Penisi nuk është në gjëndje për të bërë seks

Pyetje:
Përshëndetje doktor, jam një djalë18 vjec dhe sot do të kryeja marrëdhënie për herë të parë … kam pasur shumë herë raste që jam shtrirë me një femër në krevat …sot po përkëdheleshim po masturboja vaginën e saj dhe ajo penisin tim ,… disa ditë më parë do të bëja prapë seks dhe isha në gjendje të mirë kur afrova penisin tim afër vaginës së saj, penisi nuk ishte fort në gjendje për të kryer seks dhe filloi të ulej nuk më ka ndodh ndonjëherë të më ulet direkt dhe pse e kisha për herë të parë qe kryeja marrëdhënie …jam shumë i shqetësuar për këtë gjëndje do më ndodh përgjithmonë apo është thjesht e përkohshme ….jam shumë i shqetësuar …ju lutem më ktheni përgjigje.

Përgjigje:
Mos u shqetëso. Kjo që të ndodhi ty, u ka ndodhur të gjithëve. Cdo djalë ka provuar, ndonjëherë, të dalë bllof.
Rëndësi ka që në shumicën e herëve të jesh i fortë dhe dashnor i pasionuar. Merreni punën ngadalë. Mos u nxitoni. Edhe kur të ndodh kështu sic e përshkruan, kjo nuk është fundi i botës. Vazhdo ta eksitosh dhe kënaqesh vajzën tënde me mënyra të tjera. Përdor buzët, gjuhën, gishtat….gjithcka që mund të përdoret për ta cuar edhe vajzën në orgasmë. Nuk bëjnë mirë
ata djem që kur e kanë barutin të lagur, mërziten e dëshpërohen dhe e lënë dashnoren të befasuar. Vazhdoni të dy të përkëdheleni dhe ta rritni eksitimin e vajzës deri në orgasmë. Natyra është treguar bujare. Na ka dhënë shumë mundësi.

Incoming search terms:

Gra të zakonshme – Seks i jashtëzakonshëm

Gjithkush që dëshiron të fillojë rrugëtimin për të gëzuar seksin e mrekullueshëm, më së pari, duhet të njohë historitë e disa grave, që e kanë bërë këtë rrugë.? Përshkrimet e jashtëzakonshme që bëjnë këto gra, ju duhet t’i lexoni me kujdes dhe t’i jepni vetes kohë, që të ndjeni ç’kanë ndjerë ato.

DËSHIRONI SEKS TË MIRË- MOS NXITONI

J…, tani është dyzet e një vjeç. Shkrimtare e njohur, feministe e thekur dhe ambjentaliste e dalluar. Kur takohesh me të, fytyra e saj rrezaton dashuri e ngrohtësi. Ajo, e shqetësuar se mund të ketë diçka “jo normale” në mrekullinë e saj seksuale, më përshkroi një nga eksperiencat e saj.

Historia e saj, e seksit të mrekullueshëm, fillon kur ajo ishte nëntëmbëdhjetë vjeç.

Ja si e përshkruan ajo këtë eksperiencë:

“Ai ishte burri i parë që preku ndjenjat e mia, veçanërisht, njëherë, kur? ishim për vizitë tek disa miq të tij në qytetin X.? Ishte një shtëpi e madhe. Dhoma ku do të rinim ne ishte e mobiluar thjeshtë.? Në atë kohë, të dy ishim në universitet. Ishte koha, menjëherë, pas provimeve dhe ai ishte shumë i lodhur. Sapo hymë në dhomë, u shtrimë në dyshemenë e mbuluar me qilim,? për të parë TV dhe atë e zuri gjumi menjëherë.

U përpoqa ta zgjoj me kujdes. U vërtita, hipa sipër tij, ku qëndrova pak dhe fillova të fërkoj duart dhe trupin e tij, kudo. Fillova të ndjej sikur isha në një situatë meditative. Dëgjoja të rrahurat e zemrës së tij? dhe të zëmrës time dhe ndjeva se frymëmarrjet tona ishin në sinkron. Fillova të lëviz vithet dhe trupin, në një mënyrë që është vështirë të përshkruhet- shumë ngadalë dhe në mënyrë sensuale. Ishte një eksperiencë seksuale e vërtetë. Ishte eterike. Unë isha atje, në dysheme, bashkë me të, por unë ndjeja se isha, gjithashtu,? në një plan tjetër ekzistence. Në sekondë ai u zgjua. Ai ishte atje në një plan me mua. Filloi të lëvizë vithet e tij shumë ngadalë dhe gjithashtu, sensualisht. Ajo ç’ka ndjeva në atë moment, nuk ishte e përqendruar në gjenitalet. E ndjeva gjithë trupin tim si një lëng, por edhe si zjarr. Sensi? i prekjes? u rrit në mënyrë të pabesueshme. Totalisht? e relaksuar, nuk ndjeva asnjë presion, që të mendoja se duhej të plotësoja diçka. Ishte, vetëm, një periudhë e gjatë, që trupin tim e ndjeja të? lëvizte si një zjarr i lëngshëm, sikur notoja? mbi trupin e tij.

Nuk e pata idenë sa kohë kaloi kështu. Mund të ishin minuta, ose orë. Gjykoj se notoja atje për së paku gjysmë orë. Ishte eksperienca më e pabesueshme seksuale e jetës time. Dhe kur orgasma erdhi, ajo ishte ndryshe nga çdo orgasmë tjetër që kam patur. Kam? dëgjuar gjithçka që flitet për G-vatrën dhe se si ajo duhet të stimulohet për një kohë të gjatë. Unë nuk e di. Nuk di çfarë lloj orgazme pata dhe a ishte ajo prej vatrës –G?? Por, unë kuptova, se ajo doli nga koka, sikur shfryu nga koka ime. Ajo ishte ndryshe nga çdo orgasmë tjetër që kam patur, ose që do të kem ndonjëherë. Ishte më shumë se fizike, ishe emocionale, spirituale, ishte gjithçka. Unë? isha e dashuruar pas atij djali.”

Incoming search terms:

Gjakderdhje pas marrëdhënies së parë

Pyetje:
Përshëndetje unë kam një pyetje. Shpresoj shumë të më përgjigjeni. Kam lexuar gjithë shkrimet tuaja dhe nuk kam parë një përgjigje për problemin tim. Unë kam pas një lidhje me një djalë me të cilin kalonim mirë. Pas marrëdhënies së parë une nuk pata gjakderdhje dhe ai më kritikoi se unë e kisha gënjyer. Por më vonë ai me tha se nuk kishte ndjerë asgjë gjatë aktit intim dhe se nuk më donte më. A mund të ndodhë kjo dhe pse nuk i ka pëlqyer kontakti intim me mua. Shpresoj se do të më përgjigjeni.

Përgjigje:
Ka raste që një vajzë e virgjër të mos gjakoset herën e parë që bën seks penetrant. Kjo ka shumë arsye, por që nuk ka shumë rëndësi. Nisur këtej djali që të kritikoj se nuk je e virgjër nuk ka të drejtë. Je ose nuk je e virgjër e di ti më mirë se kushdo dhe ai duhet të të besonte ty. Fakti, qe ai të tha se nuk ka ndjerë asgjë në marrëdhënien intime me ty, nuk ka të bëjë fare me virgjërinë tënde. Ky është problem i tij. Nuk ka arsye që një djali të mos i pëlqejë akti seksual me një vajzë. Askush nuk arrin kënaqësinë maksimale që herën e parë. Eksperienca, praktika e përmirëson dhe e përsos aktin seksual. Unë mendoj se djali yt ishte shumë i papjekur ose ishte mashtrues. Në këto kushte une të them mos ia var fare atij. Shiko për rreth. Ka plot djem, të cilët “vdesin” të kenë marrëdhënie dhe të bëjnë seks me ty. Kap një prej tyre. Rëndësi ka të mos dëshpërohesh dhe brengosesh. Ka edhe të tillë.

Incoming search terms:

Seksi me menstruacione

Pyetje:
Kur kam kryer marrëdhënie seksuale për herë të parë kam qenë me ciklin menstrual, në ditën e parë të tyre. Doja të dija është një veprim i gabuar ky apo jo dhe a ka pasoja? Pas disa kohëve kam pasur erë të pakëndshme nga vagina, u vizitova dhe dola me infeksionin candiola dhe mora mjekim. Pas asaj vizite nuk jam vizituar më, por ndonjëherë ndjej sërish erë të keqe por jo si në fillim. A duhet të vizitohem sërish se mos ndoshta infeksioni nuk është larguar dhe pas mjekimeve? Shpresoj të më përgjigjeni.

Përgjigje:
Nuk është gabim të bësh seks kur je me menstruacionet, madje, për shumë njerëz është gjë e bukur seksi kur je me menstruacionet. Orgasma largon ngërçet (krampet ) e menstruacioneve dhe gjaku në vaginë shërben si lubrifikant që e bën seksin më të kënaqshëm. Kur vajza bën seks, ndërkohë, që është me menstruacionet, ajo është e çliruar nga frika e shtatzënisë së padëshëruar dhe kjo i jep mundësinë që të kryejë seks shumë intensiv. Natyrisht, të dy duhet të bini dakord që të bëni seks kur jeni me periodat. Konsensusi duhet sepse pamja e gjakut, përlyerja e penisit me gjak, era dhe shija e gjakut, mund të mos pëlqehen nga njëri prej jush. Këshillohet që, menjëherë, para seksit të bëni një banjë, për të larguar gjakun.

Ështe një pyetje që akoma nuk ka marrë përgjigje të qartë: A kanë më shumë dëshirë për seks vajzat dhe gratë kur janë me menstruacionet? Kjo nuk dihet mirë. Por, dihet me siguri se gjatë ciklit menstrual, dëshira e gruas për seks, ndryshon në faza të ndryshme të ciklit. Kështu dihet mirë se gjatë ovulacionit, që korespondon ditën e 14 – të të ciklit, gratë duan më shumë seks. Kjo ndodh sepse çlirohet shumë estrogjen dhe shtohet tek gruaja testosteroni i cili rrit dëshirën për seks. Kështu e ka rregulluar nëna natyrë. Kjo është koha më e përshtatshme për ngjizje (fertilizim), ndaj dhe rritet dëshira për seks. Natyra ëhtë racionale, nuk i humbet energjitë kot. Ne, shpesh, nuk i bindemi natyrës dhe bëjmë gabime.

Kur bëni seks me menstruacione duhet bërë kujdes për higjenën e aktit seksual. Gjaku është terren shumë i mirë ushqimor për mikrobet, ndaj dhe infeksionet mund të ngjiten më shpejt. Edhe pse nuk keni frikë nga shtatzënia, duhet të keni më shumë frike nga infeksionet seksualisht te transmetueshme, kur bëni seks me menstruacionet. Kondomi duhet të përdoret patjeter. Ti mund të jesh infektuar me kandida dhe je mjekuar, ashtu siç thua. Por nuk thua nëse edhe djali u mjekua. Ju duhet të mjekoheni të dy dhe të jeni shëruar të dy para se të filloni marrëdhënien seksuale. Infeksioni mykotik që ke, duhet mjekuar seriozisht dhe duhet të bëhen perkujdesje të veçanta që të shërohet. Në blog mund të gjesh materiale për infeksionin mykotik vaginal. Në qoftë se të vazhdojnë shqetëimet, do të bënit mirë, të dy, të shkonit për vizitë tek doktori

Seksi me menstruacione, siç e ke provuar, krijon edhe ca? telashe. Gjaku bie në çarçafe, të cilat duhet t’i ndërrosh, bie në dysheme të cilën duhet ta lash, ose në komodinë. Për të evituar këto hap një peshqir të madh mbi çarçafët dhe pas seksit vetëm hiq peshqirin.

Incoming search terms:

A nglel shtatzënë me menstruacione?

Pyetje:
Doktor,
A ngel shtatzënë kur kryen marrëdhënie gjatë ciklit menstrual? Une bëra marrëdhënie me të dashurën time në ditën e katërt dhe të pestë të ciklit dhe të dyja herët marrëdhënia u krye e plotë. A ka rrezik që ajo të ketë ngelur shtatzënë?

Përgjigje:
Mundësia që një vajzë të mbetet shtatzënë kur bën seks të pa mbrojtur, si në rastin tuaj, ekziston, por shanset janë shumë të rralla.
Kur vajza është me menstruacionet dhe bën seks, kujdesi kundër sëmundjeve infektive seksuale duhet të jetë më i madh, sepse gjaku është ambjent shumë i mirë për rritjen e mikrobeve dhe infeksioni mund tëshkojë më lart në organet e brendshme gjenitale të vajzës. Seksi i pa mbrojtur ka dy të këqia a-shtatzëninë e padëshiruar dhe b-infeksionin seksualisht të transmetueshëm. Ti pyet per shtatzeni, kjo sic te thashe eshte e rralle, por nuk pyet per infeksione qe vajza mund t’i paguaje pasojat gjithë jetën deri në pamundësinë të bëjë fëmijë.
Bëni seks të mbrojtur, përdorni kondomin. “Ose seks më të sigurtë, ose hiç fare seks” Mbajeni mend mirë këtë porosi dhe zbatojeni.
Seksi është i bukur, i kënaqshëm dhe pa asnjë telash kur e bëni të sigurtë.
Uroj shëndet dhe fat

A mund ta ndryshoj radhën e periodave të mia?

Pyetje:

Doktor,

Mund të duket një? pyetje për të qeshur, por unë do ta bëj. Pres që burri të vijë për pushime pas një viti në emigracion. Do të qëndrojë rreth një muaj. Sapo llogarita se tamam në kohën që ai vjen më bie të kem periodat. Nuk ka nevojë të them se kjo do të prishë planet e mia për ta gëzuar seksin me burrin tim pas një viti larg, por do të na pengojë të shkojmë dhe diku në det për të kaluar pushimet. A ka ndonjë mënyrë të sigurtë për të ndryshuar ciklin tim?

Përgjigje:

Fatkeqësisht, nuk ka shumë gjëra që ti mund të bësh për të shtyrë periodat. Por pse je me periodat kjo nuk do të thotë se nuk mund të jeni intimë me njeri-tjetrin. ..Ju mund të putheni, përqafoheni, përkëdheleni, ta prekni njeri-tjetrin kudo, të lozni me trupin e njeri-tjetrit e etj. Mundësitë janë pafund. Madje, në se nuk dëshiron të përdorësh tamponët, ju mund të përdorni pece dhe përqendrohuni në pjesë të tjera të trupit tuaj. E ashtuquajtura “Extrakursa” mund të japë po aq kënaqësi sa dhe interkursa. Këto t’i thashë që të mos bësh panik. Qetësohu dhe thjesht shiko përpara atë që po vjen të të shohë pas kaq kohësh.

Ti duhet të dish se shumë burra dhe gra nuk e çajnë kokën dhe bëjnë marrëdhënie seksuale(interkursë) pavarësisht menstruacioneve. Ata vetëm vendosin disa peshqirë nën vete dhe bëjnë seks sa dëshirojnë. Gjithçka varet se si ju e ndjeni këtë gjë dhe në se dëshironi të bëni interkursë gjatë periodave. Mos bëni asgjë që nuk dëshironi ta bëni !
Por pyetja jote më jep rastin të them pak fjalë këtu për atë që quhet supresioni i menstruacioneve, një metodë që bën të riskedohet koha e menstruacioneve kur ajo bije gjatë pushimeve, natën e parë të martesës, gjatë muajit të mjaltit, pra më së fundi kur ju do të takoheni me burrin tuaj në emigracion.

Cikli menstrual i një gruas së shëndoshë mund të ndryshohet vetëm po qe se ajo është duke marrë pilula antikonceptive dhe i ka përdorur ato për disa cikle. Ka rëndësi lloji i pilulave që gruaja përdor. Në çdo rast kur mendoni ta bëni këtë ndryshim të periodave duhet të këshilloheni me doktorin dhe gjinekologun, përpara se të vendosin të axhustojni ciklin tuaj menstrual.

Për të kapërcyer një periodë të tërë veprohet në këtë mënyrë:

Ato gra që përdorin paketat me kontraceptivë 28-ditëshe.

 

Kur të arrini në fund të pilulave aktive hormonale në pako, filloni kompletin tjetër të pilulave aktive, mos i përdorni pilulat inaktive ose placebo të paketës së parë.

Ato gra që përdorin paketat me kontraceptivë 21-ditëshe.

Në vend që të shkoni nëpër javën pa pilula, filloni menjëherë paketën tjetër me pilula aktive.

Përdorimi i vazhdueshëm i hapeve aktive sposton menstruacionet. Ideja është që të përdoren çdo ditë pilula aktive. Mund të ndodhë që edhe pas kësaj ju të konstatoni disa pika gjaku menstrual.

Kjo procedurë e shtyrjes së periodave duhet të përdoret vetëm me raste, siç është rasti yt, ose më së shumti një cikël po një cikël jo, por jo më shumë.? Edhe njëherë kjo duhet të rekomandohet, të rishikohet dhe të aprovohet nga doktori.

Në qoftë se ka kohë të mjaftueshme prej sot deri sa ty të vjen burri, ose për herë të tjera, një opsion tjetër i përshtatshëm është Depo-Provera. Siç dihet Depo-Provera është një kontraceptiv vetëm me progesterone që merret çdo tre muaj me injeksion. Depo–Provera ndërpret ciklin menstrual, por i bën periodat e gruas më pak të rregullta. Shumë gra që e përdorin Depo-Proverën, vënë re pak gjak midis periodave. Disa grave të tjera nuk u vijnë periodat për një farë kohe edhe pas ndërprerjes së Depo-Proverës.

Kohët e fundit është në provë një pilulë e re për kontrollin e lindjeve e quajtur Lybrel. Kjo u jep fund periodave për aq kohë sa gruaja merr pilulën. Ka edhe barna të tjera për kontrollin e lindjes si Seasonale dhe Seasonique që mbrojnë nga shtatzënia dhe e lënë gruan të ketë vetëm katër perioda në vit.

Kjo duket një kombinim shumë i mirë: mbrojtje nga shtatzënia pa shqetësime dhe dhimbjet e periodave mujore. Por edhe këto e kanë një inkonvieniencë: gruaja humbet atë që historikisht e kanë patur gratë -ritin mujor të të qënurit gra. Prandaj vetiu lind pyetja :

A është mirë që t’i evitojmë plotësisht periodat?

Në një anketim të bërë në Amerikë 22 përqind e grave thonë se i kanë përdorur pilulat e kontrollit të lindjes në një rast ose një tjetër me qëllim që të vonojnë ose ndalojnë? periodat për një kohë të caktuar. Shumë gra e kundërshtojnë opsionin e vonimit të periodave sepse ato janë të shqetësuara se kjo do të dëmtojë në një farë mënyre ciklin riprodhues të tyre dhe do t’i pengojë ato që të mbeten shtatzëna kur do të dëshironin.

Ndërkaq 60 përqind e grave thonë se ato i duan periodat sepse kështu marrin vesh se kur janë me barrë.

Gratë më të moshuara duket sikur e shikojnë më me dyshim supresionin menstrual. Ato e shohin këtë si një teknologji të re problematike.

Por a janë ekspertët? dakord që edhe gratë e shëndosha të vazhdojnë pa perioda?

Në një anketim, mbi 70 përqind e mjekëve e pranojnë kontrollin hormonal të lindjeve për të shtyrë ose ndaluar periodat e pacientit për një periudhe kohe të caktuar, ndërsa 76 përqind e mjekëve nuk besojnë se është fizikisht e domosdoshme që gruaja të ketë perioda çdo muaj. Në kontrast me mjekët, 50 përqind e vetë grave mendojnë se periodat janë të domosdoshme çdo muaj.

Një anketë e Gallup, e kryer nga American College of Obstetricians and Gynecologists gjeti se 69 përqind e doktoreshave gjinekologe besojnë se supresioni menstrual për një kohë të gjatë është i sigurtë, ndërsa 30 përqind e tyre besojnë se është i sigurtë vetëm kur bëhet me raste.

Po qe se ju mendoni të shtyni ose të ndaloni periodat tuaja mujore, ekspertët këshillojnë se ka gjithmonë risqe kur merr kontracepsion hormonal edhe kur atë e jep doktori. Disa nga rreziqet e përdorimit të antikonceptivëve hormonalë janë:? trombozat, hipertonia, goditjet në tru dhe atakë në zëmër. Këto rreziqe bëhen më të mëdha tek gratë që tymosin duhan. Përdorimi për kohë të gjatë i formave të zakonshme të kontrollit hormonal të lindjeve, siç janë injeksionet e progesteronit, shkaktojnë ulje të densitetit kockor dhe rritjen e rrezikut për osteoporozë.

Gruaja duhet ta marrë parasysh këtë rrezik kur mendon për përdorimin e kontracepsionit hormonal për supresionin menstrual.

Si gjithmonë, bisedo me doktorin dhe merr parasysh të gjitha rreziqet përpara se të vendosësh të përdorësh? çdo formë të kontrollit të lindjeve hormonale, veçanërisht po qe se je e vendosur për të evituar ciklin mujor.

Në qoftë se procedurat e spostimit të periodave nuk janë opsione që të kënaqin sepse ti merr pilula për herë të parë, ose pse nuk mundesh t’i marrësh ato, ose se nuk do që t’i marrësh ato, atëherë :

-Mëso si bëhet seks gjatë periodave.

-Mëso lidhur me notin dhe menstruacionet.

Ajo që unë do të të them sot është se seksi gëzohet edhe kur je me periodat dhe not bëhet edhe kur je me to. Në të dy rastet ka disa kushte që duhen respektuar.

Në pushime me menstruacione

Pyetje:

Doktor,
Mund të duket një? pyetje për të qeshur, por unë do ta bëj. Kemi planifikuar një pushim jashtë vendit dhe sapo llogarita se tamam në kohën e pushimeve më bie të kem periodat. Kjo do të m’i prishë planet për banjat e detit dhe për seks. A ka ndonjë mënyrë të sigurtë për të ndryshuar ciklin tim?

Përgjigje:

Një pyetje shumë e mirë që me siguri është në mendjen e shumë grave….. Si mund të riskedohet koha e menstruacioneve kur ajo bije gjatë pushimeve?, natën tuaj të martesës? ose gjatë muajit të mjaltit?; më së fundi kur ju do të takoheni me dashnorin tuaj të largët e xh,? Cikli menstrual i gruas së shëndoshë mund të ndryshojë vetëm po qe se ajo është duke marrë pilula dhe i ka përdorur ato më pare për disa cikle. Se sa e lehtë është për një grua të manipulojë ciklin e saj varet nga pilula antikonceptive që ajo përdor. Disa pilula e bëjnë këtë më lehtë se të tjera. Të gjitha gratë që duan të riskedojnë ciklin e tyre menstrual duhet patjetër të konsultohen me mjekun e tyre ose gjynekologun.
Për të humbur një periodë të tërë:

Gratë që përdorin paketat me kontraceptivë 28-ditëshe.

Kur të arrini në fund të pilulave aktive hormonale në pako, filloni kompletin tjetër të pilulave aktive, kapërcejeni javën e pilulave inaktive (placebo)nga paketa e parë.

Gratë që përdorin paketa 21-ditëshe

Në vend që të shkoni nëpër javën pa pilula, filloni paketën tjetër me pilula aktive.

Përdorimi i vazhdueshëm i pilulave aktive sposton menstruacionet duke mos lejuar çlirimin e hormoneve. Ndodh që ky protokoll të mos garantojë totalisht. Ndonjëherë mund të vihen re disa pika gjaku.
Kjo procedurë e shtyrjes së periodave nuk duhet të bëhet vazhdimisht, por vetëm në raste të veçanta. Më së shumti? kjo procedurë mund të lejohet një cikël po, një cikël jo. Ky maksimum nuk është i rekomanduar dhe kërkon të rishikohet dhe të aprovohet pa tjetër nga doktori.
Në qoftë se ka kohë të mjaftueshme prej sot deri në pushimet e tua një opsion tjetër që mund të konsiderohet i përshtatshëm është Depo-Provera. Ky është një kontraceptiv? vetëm me progestine që administrohet çdo tre muaj si injeksion. Depo–Provera ndërpret ciklin menstrual, me tendencën t’i bëjë periodat e gruas më pak të rregullta. Shumë gra që e përdorin Depo-Proverën mund të gjakosen pak në intervalin midis dy periodave. Disa gra vazhdojnë të mos kenë perioda për një farë kohe edhe pas ndërprerjes së Depo-Proverës. Bisedo me doktorin për më shumë njohuri lidhur me Depo-Proverën..

Në qoftë se procedura e spostimit të periodave nuk është një opsion për ty,? mëso si bëhet seks gjatë periodave, mëso më shumë lidhur me notin dhe menstruacionin.

Incoming search terms:

Mbi pornografinë

PYETJE:

 

E nderuar redaksi. I nderuar Dr. Ademi. Doja t’u pyesja lidhur me sjelljen ndaj nuditetit me fëmijët. Jam babai i një djali 6 vjeçar . Kam një zakon personal. Unë bëj dush, kryej nevojat ose lëviz në shtëpi në intervale të shkurtra i zhveshur dhe nuk i kyç dyert e as e fsheh lakuriqësinë prej djalit. Fillimisht djali ishte kurioz lidhur me këtë fakt me organet seksuale e tj, por tashmë nuk i bën asnjë përshtypje, madje ai vetë është shumë i lirshëm dhe sillet njësoj si unë në lidhje me nuditetin e tij. Këtë sjellje nuk e bën nëna e tij në fakt, gruaja ime e cila sillet “normal” në raport me nuditetin e kam fjalën . Nuk sillet si unë. Mua më duket se djali nuk ka të keqe nga kjo, por kanë filluar të më bëjnë shumë presion të afërm e familjarë që kanë mësuar për këtë lloj sjellje “anormale” timen.

Doja t’u pyesja : A ka rrezik për shëndetin psikologjik të djalit për zakonet e tij të ardhshme seksuale? etj. nuditeti im i pafshehur? A të vazhdoj të sillem njësoj apo duhet t’i ndërpres këto lloj sjelljesh?

Faleminderit dhe punë të mbarë.

 

PËRGJIGJE:

 

Kjo është një pyetje shumë e mirë, e kohës dhe që e bëjnë shumë prindër kudo në botë. Duhet të dini se jo të gjithë edukatorët kanë të njëjtin mendim lidhur me problemin që ju intereson…

Që në fillim dua t’u them se lidhur me sjelljen lakuriq nëpër shtëpi edhe në familjet ku nuk ka fëmijë kërkohet mirëkuptimi i të gjithë antarëve të familjes. Kur njeri nga antarët e familjes nuk është dakort, kjo praktikë nuk duhet të vazhdojë.

Në familjet që kanë fëmijë problemi bëhet më kopleks. Ka shumë fëmijë që dëshërojnë t’i shikojnë prindërit e tyre lakuriq dhe të lozin e të krahasohen me organet seksuale të prindërve. Ky është një kuriozitet natyral i fëmijve që disa prindër e pranojnë, ndërsa shumë të tjerë janë kundra. Kështu ndahen edhe mendimet e studiuesve. Por le ta shikojmë më gjërë problemin.

Lakuriqësia bezdis shumë njerëz. Eshtë kjo arsyeja që shumë prindër bëjnë kujdes që fëmijët të mos i shikojnë lakuriq. Ata i edukojnë fëmijët që të kuptojnë se organet gjenitale janë pjesë private dhe gjithkush duhet ta ruajë privatësinë. Kjo sjellje kur bëhet shumë restriktive ka pasoja negative. Fëmijët nuk i njohin dhe nuk mësohen me organet e tyre gjenitale. Ata i konsiderojnë ato si pjesë të turpshme, të pista, që duhet të fshihen e që për to nuk duhet folur. Kjo mënyrë edukimi ndikon keq në jetën e tyre seksuale kur do të rriten.

Për të evituar këto pasoja të dëmshme të edukimit restriktiv, disa prindër të nisur nga dëshira e mirë dalin lakuriq para fëmijve (ashtu siç bëni edhe ju). Këtë e bëjnë për të qënë më natyralë. Ata mendojnë se kjo i ndihmon fëmijët të mësojnë për tërësinë e trupit të tyre dhe të fitojnë ide më të plota për trupin. Sipas tyre kjo ndihmon të largohet turpi që vjen nga ekspozimi i organeve gjenitale.

Shumë edukatorë mendojnë se fëmijët duhet të mësohen me lakuriqësinë dhe organet e tyre gjenitale. Për këtë ata rekomandojnë që t’i lejojmë të shikojnë e të lozin me fëmijë të tjerë lakuriq.

Në librin “Fëmijët duan të dinë për Seksin” botuar në vitin 2003 unë e trajtoj problemin në këtë mënyrë: “ Duke parë trupin e të rriturit lakuriq tek fëmija zgjohet interesi për të prekur, eksploruar dhe përkëdhelur organet gjenitale të të rriturit. Kjo mund të nxisë dëshira dhe ndjenja që nuk do të plotësohen dot dhe kjo gjë? e shqetëson fëmijën. Disa fëmijë këtë shqetësim e shfaqin hapur, të tjerë e mbajnë brënda vetes. Sjellja më e mirë do të ishte që të ruhet një dozë e mirë privatësie. Por duhet ta kemi të qartë se çdo familje mund të bëjë atë që ajo e shikon si më natyrale për të gjithë antarët e saj.”

 

Disa edukatorë të tjerë mendojnë se është mirë që fëmijët e vegjël të shikojnë antarët e tjerë të familjes lakuriq. Kjo, sipas tyre, i ndihmon fëmijët të kuptojnë se organet seksuale janë një gjë normale, pjesë e trupit si të gjitha pjesët e tjera dhe se ato nuk janë vetëm për seks. Kjo sjellje u mëson atyre diçka me shumë rëndësi, që do t’u a bëjë jetën më të lehtë kur të rriten. Ata do të mësojnë se asnjë trup nuk është perfekt dhe se duhet pranuar e respektuar trupi që kanë. Kjo mënyrë sjelljeje këshillohet kur fëmijët janë më të vegjël se tre vjeç.

Shumë prindër pyesin në se është e lejuar të bëjmë banjë bashkë me fëmijën? Mirë është të mos bëjmë banjë së bashku me fëmijët. Le të bëjmë ashtu siç bëjnë shumica e prindërve që përpiqen të ruajnë privatësinë dhe kjo është mënyra më e mirë që fëmija duhet të mësojë. Prindi duhet të jetë shëmbull për fëmijën. Një baba mund dhe duhet t’i mësojë djalit të tij të vogël mënyrën e urinimit. Kështu fëmija do të mësojë për funksionet trupore dhe për mënyrën si ato kryhen. Por kur zakonet e tualetit fëmija i ka formuar nuk ka më nevojë ta kesh atë në banjë si observues. Kur djali troket në derë dhe insiston të hyjë brënda nga që nuk ndjehet mirë që ju jeni të kyçur, i thoni të presë.

Duke thënë këto opinione duhet të theksojmë se të rriturit që sillen nëpër shtëpi lakuriq, duhet të jenë pa tjetër emocionalisht të shëndoshë. Shumë raste të incestit midis antarëve të familjes favorizohen edhe nga ardhja rrotull lakuriq nëpër shtëpi, veçanërisht kur prindi, njerku, vëllai më i madh, ose dikush tjetër në familje është psikologjikisht jo normal.

Në fund duhet të themi se fëmijët edhe në shoqëri të hapura ndjehen jo konfort me të rriturit që sillen lakuriq nëpër shtëpi. Ata gjejnë mënyra ta shprehin këtë pakënaqësi. Ata jo rallë u thonë prindërve ose të tjerëve që sillen lakuriq ose gjysmëlakuriq : ”Nuk mund të vishesh tani?” ose e thonë këtë indirekt duke mbyllur derën e banjës ku prindi është duke bërë dush. Prindërit që janë nudo duhet të jenë të ndjeshëm për t’i pranuar këto vrejtje të fëmijve dhe të përgjigjen menjëherë pozitivisht ndaj kërkesës së tyre

Siç e kuptoni problemet e edukimit seksual të fëmijve janë shumë komplekse dhe shumë individuale. Ato varen nga niveli kulturor, arsimor, ekonomik dhe nga zakonet që ka çdo familje e veçantë. Gjatë gjithë kohës që djali juaj do të jetë në rritje dhe zhvillim do të ketë edhe problemet e zhvillimit të tij seksual. Prindërit këtë edukim nuk duhet t’i a lënë spontaneitetit, por me përpjekje të përbashkëta dhe në akord me njeri tjetrin duhet ta bëjnë këtë lloj edukimi mbi baza shkencore.

Ne harxhojmë shumë energji, kohë dhe mjete financiare për 18 ose 20 vjet që t’u mësojmë fëmijve një profesion për jetën. Ndërsa për edukimin seksual, nga varet shumë jeta e tyre, nuk flasim asnjë fjalë. Ky është një budallallëk i yni kolektiv.

Për edukimin seksual të fëmijve në familje ka literaturë të bollshme në çdo gjuhë të botës, unë do t’u rekomandoja në gjuhen shqipe librin “Fëmijet duan të dinë për Seksin.”

Incoming search terms:

Burri shikon filma pornografik dhe masturbon

PYETJE:

E nderuar redaksi! I nderuar Doktor! Më falni për shqetësimin, por kam një problem për të cilin vendosa t’u pyes pasi lexova shkrimin tuaj të fundit. Jam 34 vjeç, e martuar me një fëmijë. Kam marrëdhënie seksuale shumë të mira me burrin, pasionante dhe me shpeshtësi normale. Madje më thotë gjithmonë që e kënaq shumë në shtrat. Ndërkohë unë kam zbuluar se ai sheh foto pornografike dhe mastrurbon. Ndërkohë gjithçka shkonte shumë mirë edhe në plash, ku ai nuk ka patur mundësi të shikonte të tilla. Ju lutem doja të dija nëse kjo është normale. Ne kemi 10 vjet bashkë dhe e duam njeri-tjetrin. Jam e shqetësuar dhe nuk e di nese do marr përgjijge në gazetë. Faleminderit.

PËRGJIGJE:

përgjigjen, të cilës i referoheni edhe ju, unë i thosha burrit që më pyeste: “Ju nuk më thoni se si ndjehet gruaja ose partneria juaj me sjelljen tuaj?” Sot ti më pohon se ke zbuluar se ai sheh foto pornografike dhe masturbon, por kjo gjë nuk e prish jetën tuaj shumë të mirë seksuale…

Së pari dua të them se deri sa ti ke zbuluar se ai shikon pornografi dhe masturbon, do të thotë se ai e bën këtë fshehur. Pse të mos e bëjë në sy tënd bashkë me ty dhe të dy të vetë-masturboni nëse u pëlqen ose të bëni masturbacion reciprok të njeri tjetrit?. Si do që të jetë rëndësi ka fakti që ju të dy ndjeheni mirë dhe bëni jetë seksuale të kënaqëshme me njëri tjetrin, prej dhjetë vjetësh.

Kur unë them se pornografia që shihet vetëm, e distancon emocionalisht burrin nga gruaja dhe kjo nuk është një gjë e mirë për të dy, ky është një pohim i të gjithë seksologëve dhe seksterapistëve që e kanë studiuar problemin për shumë vjet dhe që janë mbështetur në anketime të shumta e të shumë njerëzve. Por nuk ka asnjë anketë dhe për asnjë problem të veçantë seksologjik që të gjithë njerzit të kenë mendim të njëjtë. Ka edhe mendime ndryshe, siç është ky që keni ju lidhur me pornografinë.

Aktiviteti seksual i njerzve është shumë divers. Variacioni është lezeti i jetës dhe pornografia mund të japë variacion. Por më duhet të them se kur pornografia është i vetmi “lezet” në marrëdhënien seksuale, kjo nuk është as krijuese as interesante.

Njerzit kur bëjnë seks janë shumë unikalë dhe origjinalë dhe nuk ka një mesatare. Rëndësi ka që ata të dy të merren vesh e të jenë dakort? për të gjitha gjërat që bëjnë. Kur bëjnë gjëra që e detyrojnë njerin partner të bëjë atë që nuk do, kjo është e dënueshme.

Në përgjigjen e më parëshme shkruaja: “ Ka gra që e pëlqejnë pornografinë, madje ka gra që u pëlqen kur burri, për eksitimin e tij seksual, është i lidhur në mënyrë obsesive tek interneti ose TV”. Këtë pohoni edhe ju. Por shtoja se ka edhe një problem tjetër lidhur me pornografinë: Ajo ashtu si dhe drogat, mund të bëhet një adiksion i vërtetë. Pornografia që fillon si një interesim natyral ose si një kuriozitet, shpejt bëhet një nevojë gjithnjë në rritje. Kjo do të bëjë që aq sa shikon tani të mos bëjë efekt më vonë. Do të kërkosh pornografi më të rëndë e më speciale dhe do të bëhesh një gjë pa vlerë që gjithmonë do të kërkosh më shumë. Kurrë nuk do të ngopesh. Do ta fusësh veten në rrezik. Do të kërkosh ta kesh pornografinë edhe në rrethana jo të përshtatshme. Do të harxhosh gjithnjë e më shumë kohë për pornografinë dhe këtë do ta marrësh nga koha që është e domosdoshme për marrëdhëniet dhe pjesë të tjera të rëndësishme të jetës. Do të ndjehesh i mërzitur kur do të jesh me partneren reale. Cdo gjë do të duket pa kuptim kur do ta krahasosh me pornografinë që pëlqen. Do të vijë një kohë që nuk do të arrish dot klimaksin, ose nuk do të jesh i aftë për seks pa ndihmën e pornografisë”

Ju të dy jeni të kënaqur me jetën tuaj seksuale kjo ka rëndësi. Pornografia nuk është gjë pa vlera. Për rolin e saj ka mendime të ndryshme. Rëndësi ka që njerzit të kënaqen me atë që bëjnë dhe shikojnë.

Kam një porosi për ju të dy. Lexojeni edhe njëherë me kujdes, të dy së bashku, përgjigjen time për pornografinë. Diskutoni dhe përsëri më shkruani unë prapë do të përgjigjem.

Incoming search terms:

Jetojmë larg

Pyetje:

Unë jam një emigrant jashtë Atdheut.
Gruaja më ka ngelur në Shqipëri, shkak dokumentat. Jam në stress.
Për sa kohë ajo mund të më presë? Do më tradhtojë apo jo?
Unë e dua më shumë se vehten.
Faleminderit doktor.

Përgjigje:

E kuptoj shqetësimin që ke, por në pyetjen tënde ka shumë pak informacion, që do të ishte i vlefshëm për të dhënë një përgjigje sa më të mirë. Do të ishte mirë të dinim: sa vjeç jeni ju të dy? Sa vjet keni jetuar bashkë? Sa vjet keni që jetoni larg njëri-tjetri?A keni fëmijë ? Çfarë arsimi keni dhe çfarë profesionesh ushtroni? Ku jeton ti si emigrant dhe ku jeton gruaja jote ne Shqipëri? E shumë të dhëna të tjera si këto…
Në kushtet që nuk i kam këto të dhëna, përgjigja do të jetë e përgjithshme. Një përgjithësim i gjithë atyre përgjigjeve, që u kam kthyer shokëve të tu emigrantë. Ata të gjithë e vuajnë këtë gjendje dhe përpiqen t’i ruajnë marrëdhënie që kanë në distancë të largët.
A mund të funksionojë marrëdhënia e një çifti, që jeton i ndarë shumë larg prej njëri-tjetrit?
Kjo? është një pyetje shumë e vjetër në librin e dashurive.
Padyshim, që ka sfida, kur dy njerëz që e duan njeri tjetrin, jetojnë larg. Por, ndonjëherë, edhe? sfidat? kanë të mirat e tyre.
Ti dhe gruaja jote jeni duke përjetuar një situatë, që është e pazakontë për dy të rinj të martuar. Pse është e pazakontë? Sepse ti jeton diku jashtë shtetit si emigrant dhe jeta jote atje, ndryshon shumë nga jeta që ti bëje në shtëpinë tënde në atdhe. Kudo ku ke jetuar, në mes të Tiranës, apo në ndonjë fshat të vogël të Shqipërisë.? Atje ku jeton tani, ke parë dhe vazhdon të shohësh gjëra të reja. Ke takuar njerëz interesantë, ke mësuar gjëra që nuk i dije më parë dhe ke pasur shansin të njohësh më mirë edhe veten tënde. Ndërsa, gruaja jote, është akoma në Atdhe. Unë nuk di me kë banon ajo? Me prindërit e saj, me prindërit e tu, ose vetëm?. Të gjitha këto kanë rëndësi. Është ndryshe? po të keni fëmijë dhe ndryshe pa fëmijë. Në çfarë moshe janë fëmijët tuaj ?. Punon ose jo gruaja jote?. Shkon në ndonjë shkollë ose jo?
Si do që të jetë, një gjë mund të thuhet me siguri, ajo vazhdon jetën, afërsisht, po një soj, si disa vite më parë. Mëson në të njëjtën shkollë, punon në të njëjtën punë, dëgjon të njëjtën muzikë, pi të njëjtat kanoçe me lëngje dhe ha njësoj si më parë. Krijohet përshtypja sikur, përkohësisht, ju nuk kemi më asgjë të përbashkët dhe kjo të frikëson. Mesa duket, ti e ndjen këtë realitet dhe nuk i përgjigjesh dot pyetjes që po vetë e bën: Sa mund të vazhdojmë kështu dhe ku do përfundojë marrëdhënia jonë?
Sigurisht, kjo gjendje nuk mund të vazhdojë pa fund. Ju të dy duhet të bëni zgjedhjen tuaj më të mirë. Kjo zgjedhje është që të bashkoheni pa u vonuar shumë, atje ku je ti, ose atje ku është ajo. Bashkimi do të ishte gjëja më e mirë për marrëdhënien tuaj.
Por edhe ndarja u jep mundësinë që t’i shikoni gjërat ndryshe, nga ç’i shihnit kur ishit bashkë. Shfrytëzo çdo mundësi që t’i bësh sa më të shpeshta vizitat në Atdhe. Kjo varet nga vendi ku je emigrant dhe çfarë statusi ke atje. Ju duhet të dini se telefonatat dhe e-mailet, janë gjëra që e ndihmojnë marrëdhënien.? Në shumë vende, mundet edhe atje ku je ti, e-mailet dërgohen pa paguar, madje, shumë njerëz bisedojnë dhe e shohin njëri-tjetrin në ekran. Shfrytëzoni? mundësitë që ofron interneti, siç është programi “scape”.? Mos i harroni letrat e mënyrës së vjetër. Ato ndihmojnë shumë, që të mbeteni sa më afër me njëri tjetrin. Ato, përveç të tjerave, përmbajnë brenda tyre edhe pak atmosferë romantike.
Unë besoj, se ti dhe gruaja jote, do t’i kapërceni me sukses vështirësitë e ndarjes provizore. Këtë besim e fitova nga mënyra e sinqertë se si ti e shpreh dashurinë për gruan tënde. Bëni kujdes që t’ia përcillni njëri-tjetrit qartë, ato që ndjeni. Kjo është një gjë me shumë rëndësi, që duhet të vazhdoni ta bëni. Kjo është mënyra më e mirë për ta bërë kohën që jeni larg njëri tjetrit, në mos të kënaqshme, të menaxhueshme. Pushimet është mirë të shkosh e t’i kalosh me gruan tënde dhe fëmijët e tu, natyrisht, në qofte se ke. Ju të dy duhet të dëgjoni me kujdes njëri-tjetrin dhe të njihni? mirë shpresat dhe nevojat që ka shoku. Është krejt normale që një i ri të dëshirojë të dijë hollësira për gruan, nga e cila jeton larg. Është krejt normale, gjithashtu, që ai të interesohet të dijë për punën, për aktivitetet dhe për miqtë e saj të rinj.? Por, kjo gjë nuk është, gjithmonë, e lehtë për gruan. Që ajo të tregojë për gjithçka që ti dëshiron të dish,? ? më përpara ti duhet? t’i kesh dhënë asaj sigurinë se bën, akoma, shumë kujdes për të. Ajo dëshiron të bindet se ti i ke qëndruar besnik, ndaj dhe je i interesuar të dish se çfarë bën ajo. Këtë duhet ta bësh me shumë kujdes. Mos të të shkojë as nëpër mëndje, se ajo është e detyruar ta bëjë këtë për ty, pavarësisht, sjelljeve të tua në emigracion. Siç e shikon, të gjitha këto janë eksperienca të reja, që nuk do t’i provonit po të mos ishit larg. Gjithmonë, kërko nga gruaja të sillet e të bëjë, ashtu siç sillesh e bën edhe ty.
E vlerësoj faktin që ti mendon për fatin e marrëdhënies dhe që je i interesuar ta ruash këtë marrëdhënie në largësi. Siç kuptohet edhe nga shqetësimi yt, këto marrëdhënie në distancë, janë vërtet të vështira dhe janë shumë stresante. Disa njerëz janë të aftë t’i menaxhojnë ato, ndërkohë, që të tjerë nuk e bëjnë dot këtë. Kjo varet nga gjendja e marrëdhënies dhe forca e saj përpara ndarjes. Por, kjo varet dhe nga? personaliteti që ju të dy keni. Unë e kam të vështirë të them se çfarë duhet të presësh nga kjo marrëdhënie . Mendohu mirë, por shpresa të mëdha mos mbaj, po qe se largësia do të vazhdojë pa fund. Shumë herë kam thënë se një marrëdhënie pa seks, është e vështirë të mbahet. Por kjo, nuk përjashton çdo mundësi që marrëdhënia juaj të vazhdojë dhe ta ruajë edhe romancën brenda saj. Marrëdhëniet në largësi midis dy të rinjve të martuar, janë të vështira, por nuk janë të pamundura
Lidhuni me telefon para se të flini, shkruani letra për njëri-tjetrin, dërgoni e-maile ku të përshkruani aktivitetet e ditës, nuk është keq të mbani ditarë. Shikoni fotografitë që keni dalë bashkë, lexoni letrat dhe e-mailet e vjetra, kjo do t’u mbajë afër emocionalisht edhe pse jeni larg fizikisht. Mbajini linjat e komunikimit të hapura, duke biseduar shpesh dhe gjithmonë në mënyrë të ndershme me njëri tjetrin. Kjo do t’u ndihmojë dhe do të lozë rol me rëndësi? për të ndërtuar një urë që do t’u bashkojë të dyve.
Duke qëndruar në kontakt, edhe pse në distancë nga njëri-tjetri, kjo vlen shumë për ju të dy. Përfitoni nga interneti. Sot me ndihmën e tij shumë njerëz bëjnë seks, kështu bëni edhe ju. Kjo është një mënyrë shumë e mirë për ta ruajtur marrëdhënien.? Shfrytëzo çdo mundësi,? që ta vizitosh gruan tënde sa më shpesh. Vetëm në këtë mënyrë do të njohësh miqtë që e rrethojnë atë.
Kanë shumë rëndësi vitet që keni qëndruar bashkë. Sa më shumë të keni qëndruar bashkë para ndarjes, aq më pak dyshime? do të shfaqen gjatë marrëdhënies në distancë.? Siç të thashë që në fillim, aspekti më i rëndësishëm në një marrëdhënie të mirë, është komunikimi i mirë, kjo bëhet,veçanërisht, e domosdoshme kur dy të martuar jetojnë larg njëri-tjetrit. Le ta dijë gruaja jote atë që ti ndjen për të dhe inkurajoje edhe atë që të t’i tregojë ndjenjat e saj për ty. Por, më përpara sigurohu se do ta presësh mirë dhe? pa zemërim, kur ajo do të tregojë se në Atdhe, pas largimit tënd, ka takuar njerëz të mrekullueshëm që e mbështetin.
Çdo marrëdhënie ka veçoritë e saj, nuk janë të gjitha njësoj. Por shumica e çifteve që jetojnë larg njëri-tjetrit,? thonë se vështirësia më e madhe është në fillim dhe me kalimin e kohës ajo lehtësohet. Ngarkesa me punë të lodhshme, atje ku je si emigrant, e bën më të lehtë ndarjen.
Përfytyrojeni këtë periudhë të ndarjes, si një kohë që u duhej për të zbuluar gjëra të cilat nuk i njihnit para njohjes me njëri-tjetrin. Shpesh, njerëzit kur janë afër me njëri-tjetrin janë shumë të zënë dhe nuk mendojnë për mënyrat si të sillen dhe të punojnë që të jenë një çift ashtu siç duhet. Ndërsa, tani që jeni larg, kuriozitetet, dëshirat dhe hobet e tua të para në këtë vend të ri, mund të zbehin, ose të neglizhojnë shumë nga ato kujtime që ke pasur kur ronit bashkë. Në këto kushte,? mund të ndodhë që, aksidentalisht,? të hapet pak vend për të hyrë një person tjetër, i cili mund të bëhet pjesë e jetës tuaj.
Vizito muzeumet, shko në kinema, ose show të ndryshme, madje, shko në ato që gruas nuk i pëlqente të shkonit bashkë!. Miqësohu me njerëz të tjerë, por të kuptohemi, si persona, jo si partnerë.
Në se ndjeheni të uritur (dhe jo vetëm për shoqëri), përpiquni të gjeni një restorant tjetër, ose mësoni të gatuani për veten tuaj. Kthejeni vetë-seksin, ose masturbacionin në një hobi. Kur vetë -gatimi nuk u pëlqen, ka plot hobe të tjera që t’i provoni. A merreni me ndonjë sport? A jeni? tipa artistikë e krijues që pikturoni, bëni muzikë, shkruani poezi? Përdoreni imagjinatën në shumë mënyra për të bërë atë që u intereson dhe u jep kënaqësi. Sa më shumë gjëra të reja të bëni, aq më shumë do të keni çfarë t’i tregoni njëri-tjetrit kur të bashkoheni. Nuk e keni vënë re në internet, se sa shumë njerëz në emigracion shkruajnë volume të tëra me poezi? Kjo nuk është kot, është mënyrë për të luftuar me vetminë.
Këto që të shkrova vlejnë për të dy, gjatë kohës që jeni larg. Mundohuni ta gjeni veten, shfrytëzoni mbështetjen e miqve të mirë dhe trajtojeni atë mbështetje drejt. Në qofte se ndjeni se kjo nuk do të zgjidhet shpejt, kërkoni një konsultim psikologjik.
Dëgjo dhe këto fjalë të fundit. Mos lejoni që dashuria në distancë të bëhet një vuajte fizike. Ndonëse, të rinjtë kur ndahen, i premtojnë njëri-tjetrit? “besnikëri të madhe” dhe se “marrëdhënia e tyre do t’i mbijetojë largësisë”, e vërteta është se fare pak prej tyre, veçanërisht, burrat në emigrim, e mbajnë premtimin. Në det ka shumë peshq për t’i provuar. Përkushtimin tek dashuria dhe tek marrëdhënia, vetëm, pak njerëz e bëjnë, veçanërisht,? në këtë moment të jetës, kur të dy provojnë një pavarësi të re. Statistikat në Botë tregojnë se edhe në rastet kur çiftet jetojnë afër njëri-tjetrit, madje, bëjnë, siç thonë ata vetë, jetë të lumtur, mbi 50% e burrave dhe pothuaj po aq gra, fatkeqësisht, e tradhtojnë njëri tjetrin.
Në kushtet tuaja, mendoj se ka gjëra që duhet t’i bëni dhe gjëra që nuk duhet t’i bëni.
•? ? ? Është mirë? të jeni realistë e të mos shpresoni për gjëra që në të vërtetë nuk arrihen.
•? ? ? Është mirë? të jeni të hapur për të takuar njerëz të rinj
•? ? ? Është mirë të jeni të ndershëm me veten dhe me të tjerët.
Por
•? ? ? Nuk është mirë t’i harxhoni të gjitha paratë për telefonata.
•? ? ? Nuk është mirë të injoroni të gjithë ata që u duken interesantë dhe u tërheqin.
•? ? ? Nuk është mirë ta jetoni jetën tuaj në atë mënyrë, që të ndjeheni mizerabël.
Mbani mend, në qoftë se marrëdhënia në distancë nuk funksionon, kjo vërtet, është një trishtim i madh dhe i dhimbshëm, por? prishja e marrëdhënies, në qofte se duhet dhe atëherë kur duhet, krijon hapësirë për dikë tjetër, që e keni njohur dhe me të cilin jeni afruar.
Paçi fat, për ta kapërcyer me sukses distancën që u ndan.
Doktori
New Jersey Nëntor 5, 2009

Incoming search terms:

Impotenca seksuale mashkullore

Pyetje :

Jam? një? vajzë? 27 vjeçe? dhe? kisha? dëshirë? t’ju? pyesja? për? disa? gjëra. Me? të dashurin? tim? kam? goxha? ndryshim? në? gjatësi,? ai? është? 1 87? cm dhe? unë? jam 156 cm. A ndikon? kjo? në? realizimin? e pozicioneve? të? ndryshme? gjatë? aktit,? sepse? kemi? hasur? vështirësi? ?

Aktin? e? kryejmë? ? të? mbrojtur? me? prezervativ? por? nga? dëshira? që? ka? partneri? për? të? provuar? disa? pozicione? gjatë? një akti,? ai? lëshohet? duke? mos? u? prishur? ende. ? Mos? ndikon? prezervativi? në? këtë? gjë? …?

Faleminderit? dhe? të? uroj? për? ndihmën? që jep? doktor…

Përgjigje:

Lidhur me pozicionin për seks kur dy partnerë kanë ndryshim në gjatësinë e trupit dua të them se nuk është problem shqetësues. Ka shumë pozicione për të bërë seks. Në librin e një autori përshkruhen 365 të tilla. Siç e sheh një për çdo ditë të vitit. Autorë të tjerë kanë përshkruar edhe më shumë pozicione dhe këto nuk i shpikën ata, por përmblodhën pozicionet me të cilat njerëzit bëjnë seks. Po të jeni krijues dhe pak aventurierë edhe ju do të gjeni shumë pozicione që t’u kënaqin të dyve. Përpiquni. Ndryshimi që keni ju në gjatësinë e trupit nuk pengon marrëdhënien seksuale.

Lidhur me faktin që dashnori yt humbet ereksionin në mes të aktit seksual, duke e patur penisin në vaginë, ky është problem. Ai nuk ejakulon dhe si pasojë nuk orgasmon. Ju thoni se mos ndodh nga që ai provon shumë pozicione. Jo nuk është kjo arsyeja. Ju thoni gjithashtu se mos është arsye kondomi. Është e vërtetë që disa burra nuk e përdorin kondomin me arsyen se, siç thonë ata, humbasin ndjeshmërinë dhe nuk arrijnë ereksionin. Po qe se ereksioni ndodh ai nuk humbet nga kondomi.

Problemi me dashnorin tënd është tjetër. Por për të thënë një përgjigje më të plotë më duhen edhe disa të dhëna të tjera që ti nuk i shkruan.

Do të ishte me rëndësi të dinim :

1-? ? Kjo situatë ndodh çdo herë që bëni seks ose me raste.?

2- Kjo i ka ndodhur dashnorit tënd edhe me partnere të tjera (në se ka patur ) apo vetëm me ty.?

3- A ejakulon dhe arrin orgasmën kur vetë-masturbon ose kur bëni masturbacion reciprok me njeri-tjetrin.?

4- A keni provuar të bëni seks pa kondom dhe në se po, a ka ndodhur e njëjta situatë?

Duke qenë se nuk i kam këto sqarime le të supozojmë se

-? ? ? ? ? ? ? ? ? Kjo situatë ndodh çdo herë që bëni seks.

-? ? ? ? ? ? ? ? ? Dashnori nuk ka patur partnere të tjera.

-? ? ? ? ? ? ? ? ? Kur vetë-masturbon çdo gjë është në rregull.

-? ? ? ? ? ? ? ? ? I ka ndodhur? edhe kur nuk ka përdorur kondomin.

 

Ti duhet të dish se burrat nuk janë aq të thjeshtë në marrëdhënien seksuale, sa tregohet në televizion ose materialet pornografike. Ata nuk janë si një makinë e re që sapo takon starterin ndizet dhe niset.

Të jesh dashnor i mirë kërkon kohë, durim, besim, bashkëbisedim, dëgjim të njeri-tjetrit dhe praktikë. Ju duhet të dini se seksualiteti dhe intimiteti përfshin shumë gjëra dhe jo vetëm seks. Prandaj rol me rëndësi luan besimi i fortë dhe të qënurit autentikë me njeri tjetrin. Në këto kushte e para gjë që do të bëni është qetësohuni; fitoni besimin tek njeri-tjetri dhe tek trupi i njeri-tjetrit. Pranojeni këtë që u ndodh si një sfidë dhe përpiquni të dy të mësoni nëpërmjet sfidave dhe oportuniteteve.

Kjo gjendje mund të ndodhë për këto arsye:

-Mundet që djali humbet përqendrimin gjatë aktit seksual, kjo bën të humbasë ereksionin. Akti seksual është shumë kompleks, shumë intensive dhe kërkon përqendrim maksimal në punën që bën.

-Në qoftë se ai gjatë masturbimit e ruan ereksionin dhe arrin ejakulacionin dhe orgasmën, kjo ndodh sepse orgasma me masturbacion nuk ka ato vështirësi që ka të arrish orgasmën kur je brënda partneres. Por kjo ka një domethënie të madhe pozitive se tregon që nuk kemi të bëjmë me një problem fizik. Kjo lehtëson problemin.

-Mundet që ai të shqetësohet gjatë aktit, nga që nuk gjen tek vagina juaj atë që priste. Ndoshta ai priste të merrte një ndjesi tjetër kur e krahason me shtrëngimin që i bën penisit me dorë kur kryen masturbacionin. Thuaj atij dhe ai t’i thotë vetes, që edhe pse ndjehet ndryshe, prapë është shumë mirë.

Ai duhet të dijë se gratë janë të ndryshme dhe ngushtësia e vaginave si dhe aftësia që kanë vaginat për ta shtrënguar penisin brënda tyre, pra ajo që quhet ” grip vaginal”, ndryshon. Kur të jeni në një momet intim merrja dorën dhe vendosi dy gishtat e tij në vaginën tënde. Pas kësaj shtrëngo muskujt e vaginës tënde dhe ai do të ndjejë shtrëngimin.

Dashnori mund të ketë pritur gjëra jo reale. Ai ndoshta priste që vagina ta shtrëngojë penisin siç e shtrëngon dora e tij plot muskuj. Ai duhet të dijë se pak vagina e mbërthejnë penisin aq fort. Në qoftë se është ky shkaku që ai humbet ereksionin dhe kjo u ndodh djemve, ai duhet ta mësojë veten të masturbojë duke përdorur më pak shtrëngim dhe të përdorë një lubrifikant me bazë ujore. Duke ndryshuar mënyrën e arritjes së kënaqësisë do të mësohet të përgjigjet ndaj stimulimit prej vaginës tënde.

Në këtë rast edhe gruaja duhet të bëjë përpjekje për të forcuar muskujt e saj vaginalë. Kjo ia vlen të bëhet. Shumë gra shkojnë në palestër për të forcuar muskujt e krahut, ose të këmbëve pse të mos forcojnë edhe muskujt e organit të tyre më të rëndësishëm –vaginës. Kështu do të rritin oportunitetet për ta gëzuar edhe më mirë seksin. Ushtrimet e Kegelit dhe ushtrimet me pesha konike në vaginë (konsultohuni me gjinekologun ose maminë) veç përfitimeve të tjera, do të përmirësojnë edhe kënaqësinë seksuale. Muskujt e vaginës, kur ushtrohen mirë, mund të bëjnë lëvizje? tamam si fizarmonikë (peristaltike).

Në Azi organizohen show live në salla, ku disa gra demonstrojnë se çfarë mund të bëjnë muskujt e stërvitur vaginalë. Ato vendosin një cigare të ndezur në buzët e vaginës dhe e thithin tymin duke krijuar vakum në vaginë. Me një thithëse (strow) njërën anë të së cilës e vendosin në vaginë dhe anën tjetër në një gotë me ujë, e thithin të gjithë ujin e gotës. Me një kalem të vendosur në vaginë ato shkruajnë vjersha dashurie për publikun.

Nuk them që çdo grua të arrijë këto perfeksione. Por çdo grua që dëshiron të gëzojë seks të mirë, duhet të bëjë kujdes ta mbajë në tonus vaginën e saj. Një vaginë e flashkët, e lëshuar nuk është seksi.

Gjendja e dashnorit tënd i cili eksitohet dhe ka ereksion por që e humbet ereksionin pa kryer “punë”, ka mundësi të jetë ajo që quhet inhibicioni ejakulator. Kjo gjendje më shpesh shkaktohet nga faktorë psikologjikë. Burrat që e provojnë këtë kanë vështirësi të qëndrojnë të erektuar dhe të orgasmojnë. Ata janë të aftë ta arrijnë orgasmën me masturbim por jo me partnere, ashtu siç ndodh edhe me dashnorin tënd.

Kjo gjendje, ashtu siç thua edhe ti, shkakton tek ju të dy frustrim dhe ankth. Ky presion është një arsye tjetër që e rëndon situatën edhe më shumë. Krijohet një rreth vicioz. Burri nuk ndjehet i sigurtë dhe komfort gjatë aktit seksual dhe kur nuk ndjehet i sigurtë dhe komfort me partneren, kjo influencon për keq në përgjigjen e tij seksuale. Është një soj siç ndodh kur përdoren disa barna që e frenojnë përgjigjen seksuale, ose gjatë sëmundjeve kronike, me invaliditetin fizik, me përdorimin e alkoolit dhe drogave, me stresin, me ankthin e performancës, me ndjenjën e frikës, me ndjenjën e fait dhe kur burri është jo dinjitoz.

Çfarë duhet të bëni ju të dy?

Kur jeni të dy intimë, eksploroni trupin e njeri tjetrit, tregojini njeri-tjetrit se si keni dëshirë të prekeni, të fërkoheni, të përkëdheleni e etj. Arrini eksitimin seksual por mos kryeni interkursë. Përpiquni të dy të jeni të përqendruar dhe fokusohuni në çdo sensacion, në çdo moment pa e patur mendjen tek orgasma. Përdorni lubrifikant me bazë ujore që ndihmon të rritet ndjeshmëria. Ndonjëherë bën mirë të fantazoni. Po qe se djali e humbet ereksionin mos u shqetësoni, ai do ta arrijë atë përsëri me prekje dhe bisedime. Ai të mos mendojë se nuk do të arrijë, por t’i thotë vetes se ka çdo mundësi për të arritur kënaqësinë. Kur të? arrijë përsëri ereksionin dhe të dy do të jeni gati filloni seksin. Relaksohuni në kënaqësi. Këto nuk janë detyra shtëpie. Këto nuk vlejnë të marrësh dhjetën nesër në shkollë.? Këto vlejnë të mësosh për trupin tënd që ai të përgjigjet ndaj një ndijimi të ri ose një situate të re. Këto janë metodat moderne që përdor seks-terapia për kapërcimin e këtyre vështirësive.

Nuk ka dyshim, që duhet kohë dhe praktikë për të arritur suksesin dhe jo të gjithëve u duhet e njëjta kohë. Njerëzit janë të ndryshëm dhe përfitimi nga teknika nuk është një soj tek të gjithë. Po qe se djali nuk është i zoti të arrijë një ereksion të dytë, atëherë le të pushojë për pak kohë dhe të provojë përsëri në një kohë tjetër. Praktikohuni me këtë teknikë disa herë për, pak kohë dhe çdo herë ta zgjatni kohën e ushtrimit.

Pasi t’i keni provuar këto së bashku, ose ai vetë me masturbacion, për? një kohë dhe ai përsëri e humbet ereksionin dhe nuk orgasmon, atëherë është koha të shkoni tek një seks-terapist. Ai ose ajo do të punojë me të dy, ose vetëm me djalin. Do të dëgjojë për ato që ndjeni dhe përgjigjeni dhe do t’u japë këshilla për t’i provuar në shtëpi. Ju do të mësoni nga kjo eksperiencë, do të bisedoni më shumë dhe do të provoni më shumë. Ndërkohë djali duhet të përqendrohet tek kënaqësia që do të ndjejë dhe të mos mendojë negativisht.

Ja dhe një mendim të fundit: Po qe se problemin që u shqetëson prej shumë kohësh vazhdoni ta duroni, kjo do t’i bëjë punët edhe më keq. Presioni mbi veten për të performuar sa më mirë, e kafshon keq? kënaqësinë seksuale. Bëni çdo përpjeke që ta arrini orgasmën së bashku.

Shpresoj të kem thënë gjëra që u shërbejnë. Në se kanë mbetur probleme të pasqaruara, i thuaj djalit të më shkruaj dhe të m’i përshkruaj gjërat më me hollësi.

Incoming search terms:

Komunikimi ne çift

Pyetje:

Unë jam një emigrant jashtë Atdheut.
Gruaja më ka ngelur në Shqipëri, shkak dekumentat. Jam në stress.

Sa kohë ajo mund të më presë? Do më tradhtojë apo jo?
Unë e dua me shumë se veten.

Faleminderit doktor.

Përgjigje:

E kuptoj shqetësimin tuaj, por të dhënat janë shumë të kursyera. Për të dhënë një përgjigje më të plotë do të ishte mirë të dinim se sa vjeç jeni? Sa vjet keni jetuar bashkë? A keni fëmijë ? Çfarë arsim keni dhe çfarë profesionesh ushtroni? Ku jeton ti si emigrant dhe ku jeton gruaja jote ne Shqipëri? E shumë të tjera si këto…

Në kushtet që nuk i kam këto të dhëna, përgjigja do të jetë e përgjithshme, një përgjithësim i përgjigjeve që u kam kthyer? personave të tjerë që mbajnë marrëdhënie në distancë dhe më kanë pyetur.

Pyetja që shtrohet në këto raste është: A mund të funksionojë marrëdhënia e një çifti, që jeton i ndarë, shumë larg prej njëri-tjetrit?

Kjo? është një pyetje shumë e vjetër në librin e dashurive.

Padyshim, që ka sfida, kur dy njerëz që e duan njeri tjetrin jetojnë larg. Por ndonjëherë edhe? sfidat? mund të jenë një gjë e mirë.

Ti dhe gruaja jote, jeni në një situatë të veçantë. Pse? Sepse ti jeton diku jashtë shtetit si emigrant dhe jeta jote atje, ndryshon shumë nga jeta që ti bëje në shtëpinë tënde në atdhe. (Kudo ku ke jetuar, në mes të Tiranës, apo në ndonjë fshat të vogël të Shqipërisë).

Ti, atje ku jeton tani, ke parë dhe vazhdon të shohësh gjëra të reja. Ke takuar njerëz interesantë, ke mësuar gjëra të reja që nuk i dije më përpara dhe ke pasur shansin të njohësh më mirë edhe veten tënde. Ndërsa, gruaja jote, është akoma në atdhe. Unë nuk di me kë banon ajo? Me prindërit e saj, ne prindërit e tu, ose vetëm. Të gjitha kanë rëndësi. Është ndryshe po qe se keni fëmijë ose jo dhe në ç’moshë janë ata, nëse kini?. Nuk dimë? në se ajo punon, shkon në ndonjë shkollë, apo jeton në fshat. Si do që të jetë, një gjë mund të thuhet me siguri, ajo vazhdon jetën, afërsisht, po një soj, si disa vite më parë. Mëson në të njëjtën shkollë, punon në të njëjtën punë, dëgjon të njëjtën muzikë, pi të njëjtat kanaçe me lëngje dhe ha njësoj si më parë. Përkohësisht, duket sikur ju nuk kemi më asgjë të përbashkët dhe kjo ty të frikëson. Mesa duket, ti e ndjen këtë realitet dhe nuk i përgjigjesh dot pyetjes : Sa do të vazhdojmë kështu dhe ku do përfundojë marrëdhënia jonë?

Sigurisht, kjo gjendje nuk mund të vazhdojë pa fund. Ju duhet të bëni zgjedhjen tuaj më të mirë. Kjo zgjedhje është që të bashkoheni pa u vonuar shumë, atje ku je ti, ose atje ku është ajo. Bashkimi do të ishte gjëja më e mirë për marrëdhënien tuaja.

Por edhe ndarja , u jep ju të dyve mundësinë që t’i shikoni gjërat ndryshe, nga ç’i shihnit kur ishit bashkë. Shfrytëzo çdo mundësi që t’i bësh sa më të shpeshta vizitat në Atdhe. Kjo varet nga vendi ku je emigrant dhe çfarë statusi ke atje. Ju duhet të dini se telefonatat dhe e-mailet, janë gjëra që e ndihmojnë marrëdhënien.? Në shumë vende, mundet dhe atje ku je ti, e-mailet dërgohen pa paguar, madje, shumë njerëz bisedojnë dhe e shohin njëri-tjetrin në ekran. Shfrytëzoni? mundësitë që ofron interneti, siç është programi “scape”.? Mos i harroni letrat e mënyrës së vjetër. Ato ndihmojnë shumë, që të mbeteni sa më afër me njëri tjetrin. Ato, përveç të tjerave, përmbajnë edhe pak atmosferë romantike.

Unë besoj, se ti dhe gruaja jote, do t’i kapërceni me sukses vështirësitë e ndarjes provizore. Këtë besim e fitova nga sinqeriteti me të cilën t’i më thua se e do gruan tënde. Kjo do të thotë se ju i a përcillni qartë njëri-tjetrit, ato që ndjeni. Kjo është njëra nga ato gjëra të rëndësishme,? që duhet të vazhdoni të bëni, me qëllim që ta bëni kohën që jeni larg njëri tjetrit, në mos të kënaqshme, të manaxhueshme. Është mirë që për pushimet të shkosh e t’i kalosh ato me gruan tënde dhe fëmijët e tu, natyrisht, në qofte se ke. Ju të dy duhet të dëgjoni me kujdes dhe të njihni? shpresat dhe nevojat e njëri-tjetrit. Është normale, që të duash të dish hollësira për gruan tënde, që jeton larg. Mund të duash të dish për punën, për aktivitetet dhe miqtë e saj të rinj.? Kjo mund të jetë e vështirë për atë. Por, që ajo të tregojë për këto, ti duhet? t’i kesh dhënë asaj sigurinë se, akoma,? bën kujdes për të dhe se je i interesuar të dish se çfarë bën ajo. Këtë duhet ta bësh me shumë kujdes. Mos të të shkojë nëpër mëndje se ajo është e detyrua ta bëjë këtë. Ti do të dish në se edhe ajo ka mall për ty. Siç e shikon, të gjitha këto janë eksperienca të reja, që nuk do t’i provonit po të mos ishit larg. Kërko nga gruaja të bëjë, atë që bën edhe ty.

Marrëdhëniet në largësi midis dy të rinjve të martuar, janë të vështira, por nuk janë të pamundura. Rëndësi ka ta mbani të hapur komunikimin? e mirë dhe t’i jepni mundësi njëri-tjetrit për njohje reciproke.

Është gjë e mirë për ti, që mendon për marrëdhënien me gruan tënde të re dhe që je i interesuar ta ruash marrëdhënien në largësi. Siç kuptohet edhe nga shqetësimi yt, këto marrëdhënie në distancë, janë vërtet të vështira dhe janë shumë stresante. Disa njerëz arrijnë t’i menaxhojnë ato, ndërkohë, që të tjerë nuk e bëjnë dot këtë. Kjo varet nga gjendja e marrëdhënies dhe forca e saj, përpara ndarjes. Por kjo varet dhe nga? personaliteti që ju të dy keni. Unë e kam të vështirë të them se çfarë duhet të presësh nga kjo marrëdhënie . Mendohu mirë, por shpresa të mëdha mos mbaj, po qe se largësia do të vazhdojë pa kufi. Nuk përjashtohet mundësia, që marrëdhënia juaj të vazhdojë dhe ta ruaj edhe romancën brenda saj.

Siç të thashë që në fillim, aspekti më i rëndësishëm në një marrëdhënie të mirë, është komunikimi i mirë. Le ta dijë gruaja jote atë që ti ndjen për të dhe inkurajoje edhe atë që të t’i tregojë ndjenjat e saj për ty. Sigurohu brenda vetes, se do ta presësh mirë, pa zemërim, kur ajo do të tregojë se në Atdhe, pas largimit tënd, ka takuar njerëz të mrekullueshëm, që e mbështetin.

Lidhuni me telefon para se të flini, shkruani letra për njëri-tjetrin, dërgoni e-maile ku të përshkruani aktivitetet e ditës, nuk është keq të mbani ditare. Shikoni fotografitë që keni dalë bashkë, lexoni letrat dhe e-mailet e vjetra, kjo do t’u mbajë afër emocionalisht edhe pse jeni larg fizikisht. Mbajini linjat e komunikimit të hapura, duke biseduar shpesh dhe gjithmonë në mënyrë të ndershme me njëri tjetrin. Kjo do t’u ndihmojë dhe do të lozë rol me rëndësi? për të ndërtuar një urë që do t’u bashkojë të dyve.

Duke qëndruar në kontakt, edhe pse në distancë nga njëri-tjetri, kjo vlen shumë për ju të dy. Përfitoni nga interneti. Sot me ndihmën e tij shumë njerëz bëjnë seks, kështu bëni edhe ju. Kjo është një mënyrë shumë e mirë për ta ruajtur marrëdhënien.? Shfrytëzo çdo mundësi,? që ta vizitosh gruan tënde sa më shpesh. Vetëm në këtë mënyrë do të njohësh miqtë që e rrethojnë atë. Pushimet përpiquni t’i kaloni bashkë.

Kanë shumë rëndësi vitet që keni qëndruar bashkë. Sa më shumë të keni qëndruar bashkë para ndarjes, aq më pak dyshime? do të shfaqen gjatë marrëdhënies në distancë.

Çdo marrëdhënie ka veçoritë e saj, nuk janë të gjitha njësoj. Por shumica e çifteve që jetojnë larg njëri-tjetrit,? thonë se vështirësia më e madhe është në fillim dhe me kalimin e kohës ajo lehtësohet. Ngarkesa me punë të lodhshme, atje ku je si emigrant, e bën më të lehtë ndarjen.

Përfytyrojeni këtë periudhë të ndarjes, si një kohë që u duhej për të zbuluar gjëra të cilat nuk i njihnit para njohjes me njëri-tjetrin. Shpesh, njerëzit në marrëdhënie afër njëri-tjetrit, janë shumë të zënë dhe nuk mendojnë si të sillen dhe të punojnë për të qenë një çift, ashtu sic duhet. Ndërsa, tani që jeni larg, kuriozitetet, dëshirat dhe hobet tuaja, aksidentalisht, mund të zbehen, ose të neglizhohen. Në këto kushte, gjithkush, mund të hapë pak vend për të hyrë një person tjetër, i cili mund të bëhet pjesë e jetës së tij.

Atje ku jeton ti,? jeta është e mbushur plot oportunitete. Këto oportunitete, do të të ndihmojnë të plotësosh gjithë ato kuriozitete dhe ta largosh vëmendjen nga mungesa e gruas.? Vizito muzeumet, shko në kinema, ose show, madje, në ato që gruas nuk i pëlqente të shkonit bashkë. Miqësohu me të tjerë, të kuptohemi, si persona, jo si partnerë.

Në se ndjeheni të uritur (dhe jo vetëm për shoqëri), përpiquni të gjeni një restorant tjetër, ose mësoni të gatuani për veten tuaj, kthejeni këtë në një hobi. Kur gatimi nuk të pëlqen, ka plot hobe të tjera që t’i provoni. A merresh me ndonjë sport? A je tip artistik krijues që pikturon, bën muzikë, shkruan poezi? Përdoreni imagjinatën në shumë mënyra për të bërë atë që u intereson dhe u jep kënaqësi. Sa më shumë gjëra të reja të bëni, aq më shumë do të keni çfarë t’i tregoni gruas kur të bashkoheni. Nuk e keni vënë re në internet, se sa shumë njerëz në emigracion shkruajnë volume të tëra me poezi? Kjo nuk është kot, është mënyrë për të luftuar me vetminë.

Këto vlejnë për të dy, gjatë kohës që jeni larg. Mundohuni ta gjeni veten, shfrytëzoni mbështetjen e miqve të mirë dhe trajtojeni atë mbështetje drejt. Në qofte se ndjeni se kjo nuk do të zgjidhet shpejt, kërkoni një konsultim psikologjik.

Dëgjo dhe këto fjalë të fundit. Mos lejoni që dashuria në distancë të bëhet një vuajte fizike. Ndonëse, të rinjtë kur ndahen, i premtojnë njëri-tjetrit? “besnikëri të madhe” dhe se “marrëdhënia do t’i mbijetojë largësisë”, e vërteta është se fare pak prej tyre, veçanërisht, burrat në emigrim, e bëjnë këtë.? Në det ka shumë peshq për t’i provuar, prandaj? përkushtimin tek dashuria dhe tek marrëdhënia vetëm pak njerëz e bëjnë, veçanërisht,? në këtë periudhë që të dy po provoni një pavarësi të re.

Në kushtet tuaja ka disa gjëra që secili nga ju duhet t’i bëjë? dhe disa të tjera që nuk duhet t’i bëjë.

Gjërat që duhen bërë janë :

·? ? ? ? ? ? ? Të jesh realist, mos shpreso për gjëra që nuk i arrin dot.

·? ? ? ? ? ? ? Të jesh i hapur për të takuar njerëz të rinj

·? ? ? ? ? ? ? Të jesh i ndershëm me veten dhe me të tjerët.

Gjërat që nuk duhen bërë janë:

·? ? ? ? ? ? ? T’i harxhosh të gjitha paratë për telefona

·? ? ? ? ? ? ? Të injorosh të gjithë ata që paraqesin interes dhe të tërheqin.

·? ? ? ? ? ? ? Ta bësh jetën tënde, që të ndjehesh mizerabël.

Mbani mend , në qoftë se marrëdhënia në distancë nuk funksionon, kjo është vërtet një trishtim i madh dhe i dhimbshëm,? por prishja e marrëdhënies është ajo që do të krijojë hapësirë të re për dikë tjetër që e keni njohur dhe me të cilin jeni të afruar.

Incoming search terms:

Nuk mund të arrij në orgazëm…

Pyetje:

Përshëndetje doktor, jam një vajzë 21 vje?are desha tju pyes.. ka 5 muaj që e kam humbur virgjërinë me të dashurin tim dhe nuk ndiej kënaqësi gjatë marrëdhënieve seksuale, eksitohem dhe më tërheq seksualisht i dashuri im mirëpo kur fillojmë të kemi marrëdhënie nuk ndiej kënaqësi ku qëndron problemi apo është ende herët që nga humbja e virgjërisë? Ju faleminderit. Pres përgjigjen tuaj.

 

Përgjigje:

Mos u shqetëso. Edhe ti do të kënaqesh seksualisht, madje, do të kënaqesh shumë. A ke masturbuar? A je kënaqur kur masturbon? Në qoftë se po, mos u shqetëso, ti je e aftë të arrish në orgasmë. Po qe se nuk ke provuar masturbacionin, provo. Me masturbacion do të mësosh cfarë është orgasma ose kënaqësia seksuale.

Mendoj se ju të dy nuk keni ditur të përshtateni mirë me njëri tjetrin gjate aktit seksual. Duhet të dish, se vetëm duke bërë djali lëvizje para-mbrapa me penis në vaginë, shumë pak vajza e gra e arrijnë orgasmën. Marrëdhënia seksuale që të jetë e plotë e kënaqshme duhet të jetë komplekse. Të fillojë me paralojën e zgjatur seksuale. Puthjet, përkëdheljet, përqafimet, masazhi reciprok janë pjesë e marrëdhënies. Këto janë të domosdoshme për ta ?uar një vajzë në nivelet më të larta të eksitimit. Por nuk mjaftojnë vetëm këto. Duhet që djali të përkëdhelë margaritarin tënd (Klitorin) me gishta, ose me gojë. Ti e rrit eksitimin tënd duke parë dhe përkëdhelur penisin e djalit. Pra janë një kompleks i tërë veprimesh që duhet të kombinohen për të arritur deri tek penetrimi i vaginës nga penisi dhe djali të fillojë pompat.

Të gjitha këto veprime dhe shumë të tjera, duhen vënë në veprim dhe duhet të harmonizohen e bashkërendohen në kohë e në hapësirë, nga të dy partnerët seksualë. Duhet të funksionojnë të gjitha shqisat, madje edhe bisedat intime, të ngrohta, seksi, ndonjëherë edhe me fjalë të pista janë shume eksituese.
Natyrisht, kjo kërkon praktikë, stërvitje dhe kohë. Më i men?uri e arrin kënaqësinë më shpejt. A ke parë një duet instrumentistash(violinist, pianist) të dalin të japin koncert pa u praktikuar. JO. Duhet të praktikohen dhe të harmonizohen që të arrihet mrekullia. Kështu është edhe me seksin. Përpiquni, lexoni për orgasmën, lexoni të dy bashkë dhe t’i vini në përdorim ato që mësuat. ?do vajzë e grua e ka të vështirë të arrijë orgasmën, pa ditur ?farë është ajo dhe si arrihet. Në këtë blog ka shumë materiale për orgasmën dhe si arrihet ajo.
Uroj fat, shëndet dhe kënaqësi seksuale sa më të madhe.
Pres të më shkruash se je e kënaqur me orgasmat që arrin.

Incoming search terms:

Bëhu një femër që të pëlqen seksi

Pyetje:
Përshëndetje doktor, ka 1 muaj që lexoj faqen tuaj. Më pëlqejnë mendimet e tua por desha të bëj edhe unë një pyetje. Jam e martuar, ka 8 vite dhe asnjëherë sndihem e kënaqur me seksin që më bën burri. Kurrë nuk kam ndjenjë për seks, nuk e di asnjëherë se si të veproj rreth kësaj çështje. Kur ai më propozon seks unë gjithmonë e urrej se i them nuk ndiej asgjë në seks. Ju lutem më jepni një përgjigje.

Përgjigje:
Sinqerisht, me vjen keq për ty. Tetë vjet që je e martuar dhe nuk ke ndjerë, asnjëherë, kënaqësinë e orgasmës. Kjo nuk është gjë e vogël. Kuptoje që ke humbur shumë.
Ta lëme ç’ka ke humbur, puna është ç’duhet të bësh këtej e tutje. A ke biseduar me ndonjë doktor, a e ke biseduar me burrin tënd? Në qoftë se nuk i ke bërë këto, bëji tani.
Çdo grua duhet ta pëlqejë, jo ta urrejë seksin.
Po të dërgoj një artikullin tim që e kam shkruar për ty dhe shoqet e tua. Lexoje me kujdes. Shpresoj të të ndihmoj.
Ti nuk je vetëm. Janë shumë gra që nuk e provojnë orgasmën. Disa sepse nuk dinë ç’është orgasma dhe si arrihet ajo. Të tjera sepse nuk dinë të bashkëpunojnë gjatë aktit seksual me partnerët seksualë. Ka dhe të tjera që nuk e arrijnë për arsye sëmundjesh të ndryshme, kryesisht psikike. Nuk besoj se ti bën pjesë në këto të fundit. Fakti që ti më shkrove mua tregon se ti e ke këtë problem dhe ky është hapi i parë që hodhe për të dalë nga kjo gjëndje. Për këto tre arsye që të shkrova rreth 70% e grave nuk e arrijnë orgasmën vetëm me penetrim vaginal. Duhet të ndihmojnë veten dhe partneri t’i ndihmojë ato.
Shpresoj shumë, se ti do ta gjesh orgasmën që të ka humbur prej kaq shumë vitesh.
Më shkruaj përsëri pasi të kesh provuar këto që të shkruaj këtu poshtë. Lexoji po të duash bashkë me burrin. Për të kërcyer tango duhen dy veta. Kështu është edhe me seksin. Ashtu si tangon edhe seksin do ta bëni më të mirë, kur të dy do të përpiqeni dhe do të ushtroheni sëbashku.
Uroj fat, shëndet dhe orgasma te mrekullueshme.
Doktori.

Incoming search terms:

Rënia e dëshirës për seks

Pyetje

I nderuar seksolog,
Jam një vajzë vetëm 22 vjeç, dhe më ka rënë oreksi për seks. Bile bile edhe gjatë marrëdhënieve seksuale kurrsesi nuk po e arrijë dot orgazmën.
Çfarë problemi mund të kem, ndonjë problem psiqik apo ?
Pres përgjigjen tuaj!

Përgjigje
Problemi yt është me siguri problem emocional, prej të cilit vuajnë edhe shumë vajza të tjera. Rëndësi ka që ky është një problem i kapërcyeshëm. Lexo me kujdes ato që do të shkruaj më poshtë.

Përpara se të them mendimet e mia për këtë problem, për të qetësuar ty dhe? te dashurin tënd si dhe gratë e vajzat e tjera që kanë këtë shqetësim, do të sjell për të lexuar atë që thotë lidhur me eksperiencën e saj personale seksuale një mjeke e shquar obstetre-gjinekologe dhe seksologe amerikane

Doktoresha Hilda Hutcherson është një obstetre? –gjinekologe në Neë York City. Ajo është profesoreshë klinike e obstetrikës dhe gjinekologjisë? në? “Columbia? University”. Ajo shkruan vazhdimisht në revista të ndryshme për problemet seksuale të grave.

Ja çfarë thotë Dr. Hutcherson në librin e saj : “Pleasure: A Women’s Guide to Getting? the Sex You Want, Need, and Deserve.

“Unë jam një mjeke obstetër -gjinekologe që shëtis anembanë Amerikës duke bërë leksione për seksin. E besoni ose nuk e besoni, unë do t’u them të vërtetën- Unë nuk di si të kënaqem gjithmonë me trupin tim. Orgazmën e parë e provova kur isha 30 vjeç dhe tani e konsideroj detyrën time t’i mësoj gratë që të mos presin kaq gjatë për orgazmën sa prita unë. Unë e arrita orgazmën vetëm atëherë kur u çmësova nga të gjitha gjërat që kisha mësuar më parë për seksin.

Më kujtohet,? do të isha rreth shtatë vjeç kur dëgjova për herë të parë nënën të? shqiptonte fjalën “ s-e-k-s” kur ishte duke biseduar me një shoqe të sajën në oborr të shtëpisë në Alabama. Nga toni i saj i heshtur, kuptova se ajo po fliste për diçka shumë të keqe.

Kur u rrita edhe ca, mua më thoshin “ mbaj brekët lart dhe fustanin poshtë”, një këshillë e zakonshme kjo për vajzat e jugut. Mua madje, më kishin mësuar të lahesha (fërkohesha) shpejt e shpejt “atje poshtë “, sa të mos arrija të provoja kënaqësinë që të sjell larja. Unë detyrimisht e ruajta virgjërinë për martesë dhe nuk më pëlqente seksi për sa kohë që isha e virgjër. Për shumë vjet e imitova orgazmën (e gënjeja burrin kur i thosha? se e arrita orgazmën). Unë kisha dëgjuar shoqet që bisedonin se ato bënin kështu e ashtu në shtrat dhe kërkonin të ishin lakuriq me partnerët dhe unë çuditesha. Çfarë dreqin nuk është në rregull me mua?

Pse vendosa të bëhem obstetër-gjinekologe nuk di t’ua them, por jam shumë e kënaqur që u bëra – sepse ishin pacientet e mia që më ndihmuan të dal nga kjo mjegull e pakëndshme. Ato më bënin pyetje për seksin dhe nuk më pyesnin vetëm për vaginat dhe bebet. Mbaj mënd që një paciente një ditë më pyeti:

“A është seksi anal i sigurtë”.

Mendimi i parë që më shkoi në mëndje ishte: ”Ky lloj seksi është jashtë ligjit në Alabama”, por asaj i dhashë përgjigjen më të mirë që munda. U bë e qartë se duhej të mësoja më shumë për seksualitetin, për pacientet e mija dhe për veten time. Fillova të lexoj gjithçka që munda të gjej: libra të seksterapisë, artikujt e revistave dhe manuale seksuale siç është libri? “Gëzimi i Seksit” (Ky libër është i përkthyer në shqip).

Si mjeke obstetre-gjinekologe kisha parë pjesët private të shumë grave, por kurrë nuk kisha parë organet e mia gjenitale, prandaj një ditë rrëmbeva një pasqyrë dhe hodha një sy në to. Kur ndodhi orgazma e parë, ….. isha unë vetë ajo që ndihmova veten ta arrij. Kur fillova të ndjehem më mirë (më komfort ) me trupin tim, atëherë dëshiroja ta ndaja atë me dikë tjetër dhe eksperienca seksuale pasuese ishte më e mirë, po… mund të them fantastike. Sot jam e martuar prej 20 vjetësh dhe bëj jetë seksuale që më kënaq dhe jam aventuriere në shtrat. Duke e transformuar veten nga një vajzë shumë e ndrojtur në? një eksperte seksi, unë tani dëshiroj të ndihmoj gratë e tjera që të arrijnë edhe ato kënaqësinë seksuale që e meritojnë. Kur ta keni lexuar eksperiencën time shumë personale, juve do t’u hapen sytë dhe do të kuptoni me të vërtetë çfarë është mirë dhe çfarë është keq për ju.? Atë që e ndjeni se është mirë provojeni edhe ju në shtrat, vazhdimi …..do të jetë i mrekullueshëm.”

* * *

Këto thotë kjo doktoreshë obstetre-gjinekologe dhe seksologe e njohur në Amerikë për jetën e saj seksuale. Më shumë ju mund të mësoni duke lexuar prej saj.

Siç e shihni, orgasmën, nuk e arrijnë dot të gjitha gratë, nuk e arrijnë as mjeket, madje as profesoreshat e obstetrikës dhe seksologjisë- ndonëse të gjitha gratë e kanë potencialin fizio-biologjik për ta arritur. Shumë prej tyre e arrijnë kur mësojnë më shumë për seksin dhe orgasmën dhe bëhen të afta ta ndihmojnë veten për të shkuar në orgasmë. Të tjera e arrijnë kur flakin të gjitha të pavërtetat që lidhen me seksin. Të tjera e arrijnë orgasmën kur familjarizohen më mirë me anatominë e tyre seksuale dhe kur flakin ankthin e performancës.

Ja disa nga gjërat që do të këshilloja për juve sot:

1-Mendoni për seksin pozitivisht.

Gratë sot supozohet të jenë shumë të fuqishme. Ato e kanë në dorën e tyre karrierën e tyre, ato kanë llogaritë e tyre bankare, po ashtu edhe jetën seksuale. Në qoftë se jeni rritur në një shtëpi që u mësoi se seksi është turp, këto mesazhe të vjetra do të jetojnë në subkonshientin tuaj. Ato do t’i ndotin mendimet në dhomën e gjumit. Këtë bëjnë ato tek të gjitha gratë. Që të filloni të çlironi bagazhin tuaj seksual, bëni një listë të të gjithë mesazheve negative që keni marrë për seksin dhe pastaj shkruani në krah të tyre mesazhet pozitive. Në se keni dëgjuar se “vetëm vajzat e këqija e gëzojnë seksin” ndryshojeni? “Çdo vajzë e meriton ta gëzojë seksin”. Pastaj, kur ndonjë nga këto mendime hyn në mendjen tuaj,? në shtrat ose jashtë tij, të kini gati një mendim tjetër pozitiv? për ta zëvendësuar atë. Në fakt, kjo do të bëhet një lojë e lezetshme për dhomën e? gjumit, që do t’u shërbejë dy qëllimeve: a- do t’u çlirojë nga kthetrat dhe b- do t’u sjellë në formë.

2-Mësoni për pjesët tuaja intime.
Ajo që më shumë se për çdo gjë tjetër flasin gratë është : “ Ai nuk e gjen dot klitorin tim”. Ju prisni që burrat të dinë se ku është vendosur vatra juaj e ëmbël. Por a jemi ju në gjendje t’u jepni atyre drejtimin kryesor?
Organi sa një bizele që ju e shikoni midis buzëve (labieve) është maja e ajsbergut. I gjithë trupi i? klitorit është thellë në pelvis. Këshilla ime është: Mos shkoni drejt e tek “bizelja ”. Klitori ka kaq shumë mbaresa nervore dhe ta stimulosh atë përpara se të jeni plotësisht të eksituara, kjo mund të jetë e papëlqyer për ju. Filloni duke prekur buzët dhe hyrjen për në vaginë dhe ushtroni presion në “malin” (mons pubis) ku rriten flokët. Kjo bën që në fillim të shtohet ardhja e gjakut në të gjithë zonën. Kjo jep më shumë kënaqësi dhe bën të arrish një orgasmë më të fuqishme. Duke u përqendruar vetëm rreth “bizeles”, është sikur të prekësh vetëm kokën? e penisit të burrit(Cili burrë nuk do t’u korrektonte me xhentilencë po qe se do ta bënit këtë?)

3-Mësoni rrugën më të shpejtë që çon në orgasmë.
Cili është vendi që u pëlqen të prekeni? Me çfarë shpejtësi dhe presion? u pëlqen më shumë të prekeni? A ka ndonjë fantazi që ju çon në klimaks të sigurtë? Provoni t’u jepni përgjigje këtyre pyetjeve.

Mësoni të kënaqni vetë veten tuaj. Të masturboni deri në orgasmë, ky është çelësi që u ndihmon të kënaqeni edhe me dikë tjetër. Mos druani të masturboni. Një grua duke masturbuar vuri re se fantazia më e mirë për masturbimin e saj ishte kur fantazonte seks me dy burra. Një tjetër kuptoi se ndjehej më mirë ta prekte veten kur shtrihej në bark. Kur ju të dini ekzakt se çfarë u çon në orgasmë, ju duhet t’i a tregoni këtë dhe partnerit. Por gjithmonë lejoni mendjen tuaj të mrekullohet me fantazitë dhe do të duhet? vetëm? pak shtytje për të kapërcyer hendekun.

4-Mendoni për kënaqësinë tuaj.
Ju meritoni të gjeni atë që jepni. Por, gabimisht, shumë gra mendojnë se kënaqësia e partnerit është më me rëndësi se kënaqësia e tyre. Shumë gra edhe atëherë kur partneri përpiqet t’i kënaqë, ato shpërqendrohen duke menduar se çfarë duhet të bëjnë për ta kënaqur atë. Kjo gjë bën që gruaja të humbasë orgasmën e saj? dhe kjo nuk është mirë. Ju ndjeheni të lumtura kur i jepni kënaqësi të vërtetë partnerit, ashtu ndjehet dhe ai i lumtur kur ju shtriheni në shpinë dhe e lini atë t’u kënaqë juve.

5-Të ndjeheni mirë me trupin tuaj
Mënyra se si ndjeheni me trupin? tuaj ka të bëjë direkt dhe thellësisht me seksualitetin tuaj. Në përgjithësi gratë para se të lindin fëmijë bëjnë? jetë seksuale të kënaqshme. Pas lindjes së fëmijëve ato ndjejnë? se janë? dhjamosur, nuk u pëlqen forma? e re e gjinjve, e të tjera gjera dhe humbasin interesimin për seks. Ato gjithçka ia kushtojnë fëmijës dhe ia largojnë dorën burrit kur ai i prek në këto pjesë që atyre nuk? u pëlqejnë më. Ato e evitojnë krejtësisht marrëdhënien seksuale. Në qoftë se edhe ti je një nga këto gra, unë do të këshilloja të mbash një ditar të vogël dhe shëno çdo ditë një gjë pozitive lidhur me trupin tënd. Mund të kalojë një muaj pa shënuar asgjë në ditar, por një ditë do ta pranoni të vërtetën që trupi tënd meriton të vlerësohet dhe të kënaqeni me të si dhe më parë. Ushtrimet fizike ndihmojnë. Ato prodhojnë lëndë kimike që nxisin dëshirën seksuale dhe eksitimin.

6-Bëni seks për arsye të shëndosha
Shumë gra ndjehen bosh, të mërzitura ose të vetmuara pas marrëdhënies seksuale. Seksi i keq me dikë që dashuroni, natyrisht nuk është mirë, por seksi që u bën të ndjeheni keq me veten është akoma më keq. Ju nuk do të ndjeheni mirë me veten sa herë që do të shkoni në shtrat në rrethana jo të qarta. Pritni një minutë. Kujtoni herët e fundit që keni bërë seks dhe arsyet pse bëtë. Mendoni për cilësinë e seksit në çdo njërën nga këto situata.

Gratë bëjnë seks për arsye të mëdha :? Dëshirojnë të lidhen me dikë; bëjnë seks për t’u pajtuar pas një zënke me partnerin; bëjnë seks kur festojnë një përvjetor (nata e martesës, përvjetori,); bëjnë seks që të ngjizin një fëmijë; bëjnë seks thjesht se janë? të gëzuara.

Por gratë bëjnë seks edhe për arsye jo shumë të mëdha: Ato bëjnë seks sepse duan që ai të qëndrojë një natë me to; bëjnë seks sepse dëshirojnë të evitojnë një zënkë; bëjnë seks sepse dëshirojnë që dikush t’i dashurojë; bëjnë seks sepse kanë frikë se po nuk bënë ai do t’i lejë.

Mbani mënd : Seksi është gjithmonë më i mirë dhe me kënaqësi më të thellë, kur motivacioni për të bërë seks është modest dhe i shëndetshëm.

7-Njihni pesë zonat e tuaja kryesore

Për një jetë seksuale të plotë, gruaja duhet të zbulojë vatrat e kënaqësisë që nuk janë të mbuluara nga të mbathurat e saj. Ka gra që stimulimi i thithave të gjinjve i çon në orgasmë. Të tjera kanë gjetur një zonë? të butë sensitive që i çmend prapa gjurit. Të tjera e gjejnë këtë pikë, që i bën t’u mblidhen gishtat? e këmbëve, në njërin nga veshët. Ju duhet të gjeni pikat tuaja. Filloni të eksploroni veten kudo me një pendë, me një vibrator, ose me duart tuaja. Gjeni pesë pikat tuaja më të ndjeshme. Mjaftojnë të gjeni pesë. Tregojani këto partnerit dhe ai do ta shtypë më mirë butonin tuaj.

8-Mos vuani? “ankthin e vaginës”?
Shumë gra kanë ankth lidhur me dimensionet ose gjatësinë e buzëve të vaginës së tyre. Të tjera shqetësohen me erën dhe shijen e vaginës. Në fakt, shumica e grave shqetësohen dhe nuk i japin dot përgjigje pyetjes që vetë e bëjnë : “ A jam normale atje poshtë?”.

Të gjitha grave do t’u rekomandoja të rrëmbenin një pasqyrë dhe të shikojnë pjesët e tyre private. Mos harroni se edhe atëherë kur luftoni me një infeksion kronik edhe kur keni buzë të mëdha sa që dhëmbin kur vishni të mbathurat, ju përsëri jeni normale. Jeni ose nuk jeni ju dakord me mua, unë u them se burrat mendojnë që ju jemi të bukura dhe të dukura atje poshtë. Unë këtë e kam dëgjuar nga të gjithë burrat dhe dashnorët e grave që kam njohur. Në fund të fundit nuk ka shumë rëndësi? çfarë mendojnë burrat, ju duhet të mësoheni t’i pëlqeni gjenitalet tuaja. Në qoftë se kjo do të thotë që një grua këtë muaj në vend që të shpenzojë? paratë për të blerë këpucë do të bëjë një ëax Brazilian, çdo gjë është në rregull, kur është në rregull për atë. Ka gra që u pëlqejnë të brendshmet e mrekullueshme. Nuk ka asgjë më të mirë se të veshësh “La Perla” që të bëjnë të zhvesh “La Perla”.

9-Shiko fytyrën tënde pesë minuta pas seksit

Ngrehuni dhe shikoni fytyrën tuaj në pasqyrën e banjës pasi keni bërë seks. A? jeni e përflakur me? fytyrë të hapur që qesh? Apo je me vetulla të ngrysura e të ndara gjerësisht nga njëra-tjetra? Ndonjë herë ju duhet të pyesni trupin tuaj, jo trurin tuaj në se u kënaqët? me seksin. Mëndja mund t’i justifikojë eksperiencat seksuale jo të këndshme, por fytyra juaj në pasqyrë, në orën 2 pas mesnate nuk mund të gënjejë. Po nuk të pëlqeu ajo që pe në pasqyrë, hipë përsëri në shtrat dhe fli disa orë gjumë! Prit deri në mëngjes dhe thuaj atij ato që duhen.

10-Thuaj atij gjithçka
Kur do të flisni me partnerin, këshilla ime është e thjeshtë: Tregoi atij se çfarë të bën ti një qenie të çmendur seksualisht ashtu siç je. Kërko nga ai që t’i japë trupit tënd seksualisht të çmendur tamam atë që i duhet. Kërkesat e? tua duhet të jenë ekzakte. Ashtu si në një restorant kërkon nga kamerieri gjithmonë sallatë në vend të patateve të skuqura, ose ujë të gazuar, ose extra salcë. Pse të mos e bësh këtë me dashnorin tënd? Besomë, ai do të të japë atë që dëshiron, sepse? ju jeni nga ato që lini bakshish të majmë.!

Këto mendova të them për ketë radhë. Sigurisht njohuritë për seks të kënaqshëm janë të shumta dhe ato do t’i grumbullosh gradualisht gjatë eksperiencave seksuale dhe duke lexuar gjithçka për seksin.
Shpresoj të? kem ndihmuar
Uroj shëndet, seks të mirë dhe fat
Doktori.

Incoming search terms:

Shoqes i bije të fikët kur arrin orgasmë

PYETJE :

Doktor
Kam dëgjuar nga një shoqja ime se asaj i bije të fikët kur arrin në orgasmë. A është kjo normale? Çfarë e shkakton këtë gjendje?

PËRGJIGJE:

Kjo gjendje ndodh rrallë. Francezët i thonë “Le Petit Mort” (vdekja e vogël). Kjo frazë ka qenë përdorur në literaturën erotike të periudhës Viktoriane. Eksitimi seksual dhe orgasma mund të bëjnë që disa gra (por edhe burra) të provojnë humbjen e menjëhershme e të përkohshme të ndërgjegjes. Kjo nuk është një gjë normale dhe ka arsye pse ndodh. Gjatë eksitimit seksual, frymëmarrja shkurtohet dhe shpejtohet. Për disa, frymëmarrja bëhet aq e shpeshtë sa ata hyperventilohen. Si pasojë e hyperventilacionit niveli i dioksidit të karbonit në gjak bije ndjeshëm. Kjo shkakton marrje mëndsh, turbullim të ndërgjegjes dhe si rezultat vjen të fikëtit. Kur ke pirë shumë alkool ndodh i njëjti efekt dhe alkooli e rrit mundësinë e këtij reaksioni.

Një shpjegim tjetër mund të jetë edhe ky: Gjatë eksitimit seksual, gjaku shkon me shumicë në organet gjenitale dhe pakësohet sasia e tij në tru… Truri nuk merr sasinë e duhur të oksigjenit dhe të lëndëve të tjera ushqyese. Kjo prish aktivitetin trunor të ndërgjegjshëm dhe mund të ndodhë humbja komplete e ndërgjegjes.

Ka njerëz që me qëllim i privojnë trurit oksigjenin, për të rritur kënaqësinë seksuale dhe orgasmën. Kjo praktikë që quhet? auto-erotic asphyxiation (që e bën vetë ose ta bën partneri) dhe që mund të çojë në vdekje aksidentale. Këtë praktikë e përdorin disa adoleshentë kur masturbojnë dhe disa prej tyre kanë përfundime fatale. Lidhur me këtë mekanizëm, ka edhe një fakt tjetër të përshkruar dhe të provuar, që gjatë fluturimeve në lartësi nga pakësimi i oksigjenit rritet dëshira për seks.

Të fikëtit pas orgasmës mund të jetë, gjithashtu, symptom i një gjendjes serioze shëndetësore, siç janë aritmitë e zëmrës. Gjatë aktivitetit të zakonshëm ditor, njerëzit që vuajnë nga kjo gjendje, mund të ndjehen fare mirë. Por pas një eforti fizik ose aktiviteti seksual vigoroz zëmra e tyre nuk e mban dot tensionin e gjakut në shifrat e duhura. Kur mbaron sforcimi fizik të rrahurat e zëmrës pakësohen, por vazat e gjakut në muskuj mbeten të dilatuara plot me gjak dhe kjo shkakton të fikëtit ose vdekjen.

Po qe se të fikëtit ndodh tek dikush që ju e njihni, ose tek një nga partnerët e tu seksualë, shtrijeni menjëherë në tokë me kokë poshtë. Në këtë moment kjo është gjithçka që ju? mund të bëni për ta ndihmuar. Ngrini këmbët e tij që të rritni sasinë e gjakut që shkon në tru dhe në zëmër. Sapo personi të ndjehet më mirë, ngadalë vendoseni në një pozicion më të ngritur. Kjo do ta ndihmojë të ngrihet në këmbët. Që të jeni të sigurtë, është mirë që çdo njeri që ka të tilla episode të fikëti në mënyrë të përsëritur, të bisedojë me doktorin e tij.

Incoming search terms: